قاراعاندى وبلىسىندا شاعىن كاتەرلەر شىعارىلادى. ولاردى قۇتقارۋشىلار, قورىق قىزمەتكەرلەرٸ مەن سۋ قويمالارىنىڭ ساقشىلارى جەنە قاجەت بولسا تۇرعىندار دا پايدالانادى, دەپ حابارلايدى قاراعاندى وبلىسى ەكٸمدٸگٸنٸڭ رەسمي سايتى.
سايتتا جارييالانعان مەلٸمەتتەرگە قاراعاندا, جەرگٸلٸكتٸ ٶنٸم قازاقستاننىڭ بارلىق ٶڭٸرلەرٸنە جەتكٸزٸلەدٸ جەنە رەسەيگە ەكسپورتتالادى.
«قاراعاندى شاعىن كەمە قۇرىلىسى ۆەرفٸ» جشس 2013 جىلدان جۇمىس ٸستەپ جاتىر. ونىڭ تسەحتارى فەدوروۆ سۋ قويماسىندا ورنالاسقان. قازٸر كەسٸپورىندا 15 ادام جۇمىس ٸستەيدٸ.
«بٸزدٸڭ كاتەرلەردٸڭ ۇزىندىعى 3 مەتردەن 14 مەترگە دەيٸن جەتەدٸ. ولاردى جەكە تۇلعالار دا, مەملەكەتتٸك مەكەمەلەر دە ساتىپ الادى. بٸز قازاقستاندا شاعىن ٶلشەمدٸ كاتەرلەر شىعاراتىن جالعىز كومپانييامىز. ەرينە,مەملەكەتتٸك مەكەمەلەرگە بٸزدەن ساتىپ العان تيٸمدٸ بولار ەدٸ, سەبەبٸ شەتەل ٶندٸرۋشٸلەرٸنە قاراعاندا بٸزدە باعا شامامەن 15%-عا تٶمەن. بٸزدٸڭ ٶنٸمدەرٸمٸزدٸ چەليابينسك جەنە ەكاتەرينبۋرگ سيياقتى رەسەيدٸڭ قالالارىنان دا ساتىپ الادى, - دەيدٸ, كەسٸپورىننىڭ كوممەرتسييالىق ديرەكتورى الەكساندر دۆوريانچيكوۆ.
كاتەر ٶندٸرٸسٸ ٷشٸن ارنايى قورىتپا, ال ٸشكٸ ٶڭدەۋٸ ٷشٸن -ىلعالعا تٶزٸمدٸ شەرە مەن ماريدەكتٸڭ پالۋبالى جابىنى قولدانىلادى. قوزعالتقىشتار مەن باسقا دەتالدار قىتايدان, ەۋروپادان جەنە جاپونييادان يمپورتتالادى.
«بٸز ٶزٸمٸز ٶندٸرەتٸن كاتەرلەردٸڭ ۇزىندىعىن 7 مەتردەن 14 مەترگە دەيٸن ۇلعايتۋدى كٶزدەپ وتىرمىز. اسا قولايلى, جاقسى جابدىقتالعان كاتەر جاساۋعا بولادى. ولاردى كٷزەت قىزمەتٸنە لايىقتاپ جاساۋ ٷشٸن رادارلار مەن تٷرلٸ ەلەكترونيكامەن جابدىقتاۋعا بولادى, - دەيدٸ الەكساندر.
ايتا كەتەيٸك, قاراعاندىلىق كومپانييا جىلىنا 60 كەمەدەن 100 كەمەگە دەيٸن شىعارادى.
