اناستاسييا شەۆياكوۆا
قاراعاندىنىڭ ورمان القابىندا ٶلٸ كٷيٸندە تابىلعان اناستاسييا شەۆياكوۆانى ٶلتٸردٸ دەگەن 26 جاستاعى ەيەلگە سوت ٷكٸمٸ شىقتى, - دەپ حابارلايدى Tengrinews.kz.
ايىپتالۋشىعا قاتىستى قىلمىستىق ٸس قاراعاندى وبلىسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا قارالدى. ول سۋديا قايرات قاسيموۆتىڭ قاراۋىنا بيىل شٸلدەدە تٷسكەن.
تەرگەۋشٸلەردٸڭ ايتۋىنشا, سوتتالۋشى اناستاسييا شەۆياكوۆانى قىزعانىشتان ٶلتٸرگەن.
سوت تالقىلاۋى بارىسىندا سوتتالۋشىنىڭ كٸنەسٸ تولىق دەلەلدەنگەن. جينالعان دەلەلدەمەلەر مەن سوتتالۋشىنىڭ مويىنداۋىن ەسكەرە وتىرىپ, ونى 99-باپتىڭ 2-بٶلٸگٸنٸڭ 5-تارماعى "اسا قاتىگەزدٸكپەن جاسالعان كٸسٸ ٶلتٸرۋ" بويىنشا كٸنەلٸ دەپ تانىدى.
"سوت سوتتالۋشىنى 15 جىلعا باس بوستاندىعىنان ايىرۋ جازاسىن ورتاشا قاۋٸپسٸزدٸكتەگٸ تٷزەۋ مەكەمەسٸندە ٶتەۋ تۋرالى ٷكٸم شىعاردى", - دەپ حابارلادى قايرات قاسىموۆ ٷكٸمدٸ.
مارقۇمنىڭ تۋىستارى سوت ٷكٸمٸنە قاناعاتتانعان. الايدا ولار مەيٸتتٸ سوتتالۋشىنىڭ جالعىز ٶزٸ شىعارعانىنا كٷمەن كەلتٸردٸ.
"وعان بٸرەۋ كٶمەكتەستٸ دەپ ويلايمىز. بٸراق بٸز ونى دەلەلدەي المايمىز. ٷكٸمگە شاعىمدانبايمىز. ول ەدٸل جازاسىن الدى دەپ ەسەپتەيمٸز. اناستاسييانىڭ ۇلى ەكەسٸنٸڭ جانىندا, ال قىزىنا قامقورشىلىق جاسالدى", - دەدٸ مارقۇمنىڭ تۋىستارى.
ەسكە سالايىق, 27 ناۋرىزدا قازىبەك بي اۋدانىنداعى ورمان القابىندا 5 ناۋرىزدا ٸز-تٷزسٸز جوعالىپ كەتكەن 27 جاستاعى قاراعاندىلىق اناستاسييا شەۆياكوۆانىڭ دەنەسٸ تابىلعان بولاتىن.
ونى ٶلتٸردٸ دەگەن كٷدٸكپەن 26 جاستاعى قالا تۇرعىنى ۇستالدى. ول جانجال كەزٸندە مارقۇمدى پىشاقتاپ, قىلمىسىن جاسىرۋ ٷشٸن مەيٸتتٸ ورمان بەلدەۋٸنە الىپ كەتكەنٸن مويىنداعان بولاتىن.
