فوتو: ۆيدەودان سكرينشوت
قاراعاندىدا ٶتكەن ەرەجەسٸز جەكپە-جەك تۋرنيرٸندە 18 جاستاعى سپورتشى ارسلان اۋىر باس جاراقاتىن الىپ, كوماعا تٷستٸ. بۇل تۋرالى ونىڭ ەپكەسٸ Threads ەلەۋمەتتٸك جەلٸسٸندە جازدى.
ونىڭ ايتۋىنشا, تۋرنير 2026 جىلعى 14–15 اقپان كٷندەرٸ ۇيىمداستىرىلعان. العاشقى كٷنٸ ارسلان ەكٸ جەكپە-جەك ٶتكٸزٸپ, ەكەۋٸندە دە جەڭٸسكە جەتكەن.
الايدا كەلەسٸ كٷنٸ ٶتكەن كەزدەسۋدە قارسىلاسى تىيىم سالىنعان ەدٸس قولدانىپ, سپورتشىنى باسىمەن جەرگە لاقتىرعان. سوققىدان كەيٸن ارسلان باسىن ۇستاپ, ورنىنان ەرەڭ تۇرعان. تۋىسىنىڭ سٶزٸنشە, ونىڭ جاعدايى سول سەتتەن باستاپ اۋىرلاعانىمەن, جەكپە-جەك توقتاتىلماعان.
ەكٸنشٸ راۋند اياقتالعان سوڭ سپورتشى ەسٸنەن تانىپ, رينگتە قۇلاپ تٷسكەن. كۋەگەرلەر ونىڭ سول جەردە قىرىلداپ, كوماعا تٷسكەنٸن ايتادى. وقيعا سەتٸ ۆيدەوعا تٷسٸپ, كەيٸن ەلەۋمەتتٸك جەلٸلەردە تاراعان.
دەرٸگەرلەر ارسلانعا اۋىر دياگنوز قويعان: جاراقاتتان كەيٸنگٸ ميعا قان قۇيىلۋ, باس ميىنىڭ اۋىر جاراقاتى, سول جاق مي سىڭارىنىڭ جٸتٸ سۋبدۋرالدى گەماتوماسى, مي ٸسٸنۋٸ جەنە 2–3 دەرەجەلٸ كوما. سپورتشىعا شۇعىل تٷردە وتا جاسالعان.
