قاراعاندى وبلىسىنىڭ جاڭاارقا اۋدانىندا ٶتكەن مەرەكەلٸك ٸس-شارانىڭ ۆيدەوسىن قاراعاندى وبلىسى پد باسشىلىعى زەرتتەپ شىقتى. پوليتسەي رٶلٸندە تويدى تەكسەرۋگە كەلگەن اسابا جاۋاپكەرشٸلٸككە تارتىلدى, دەپ حابارلايدى "ۇلت اقپارات".
تەرتٸپ ساقشىلارى پوليتسييا فورماسىن كيگەن ادامنىڭ اسابا ەكەنٸن انىقتادى.
«پوليتسييا ەرقاشان ەزٸلگە, پاروديياعا جەنە سىندارلى سىنعا وڭ كٶزبەن قارايدى. بٸراق مۇنداي ۆيدەولار ٸشكٸ ٸستەر ورگاندارىنىڭ سانيتارلىق دەرٸگەرلەرمەن بٸرگە كارانتيندٸ بۇزۋدىڭ الدىن الىپ, كوروناۆيرۋستىڭ تارالۋىنا توسقاۋىل بولۋعا تىرىسقان قىزمەتكەرلەرٸنٸڭ كٷش-جٸگەرٸن تٶمەندەتەدٸ. وسىلايشا, تامادا پوليتسييا قىزمەتكەرلەرٸنٸڭ بەدەلٸن تٷسٸرٸپ, توي ۇيىمداستىرۋشىنىڭ قۇقىق بۇزۋىنا ىقپال ەتتٸ دەپ سانايمىز. بەلگٸلەنگەن ەرەجەلەر مەن شەكتەۋلەردٸ ساقتاۋ - ٶتە ماڭىزدى. ال وتباسىلىق شارالاردى اينالاسىنداعىلارعا قاۋٸپ تٶندٸرمەي, از اداممەن عانا ٶتكٸزۋگە بولادى», - دەپ تٷسٸندٸردٸ قاراعاندى وبلىسى پد باسپاسٶز حاتشىسى جاناتاي سەمبەكوۆ.
قازٸرگٸ ۋاقىتتا قر ەقبتك 675-بابى بويىنشا جالعان پوليتسەيلٸك جاۋاپكەرشٸلٸككە تارتۋ تۋرالى مەسەلە قارالىپ جاتىر.
مەرەكەنٸ ۇيىمداستىرۋشىعا قاتىستى ماتەريال قر ەقبتك 425-بابى بويىنشا ەكٸمشٸلٸك جاۋاپكەرشٸلٸككە تارتۋ ٷشٸن تيٸستٸ مەكەمەگە جولدانعان.
