بٷگٸن قاراعاندى مەديتسينالىق ورتالىعىنا بارلىق شۇعىل قىزمەتتەر جينالدى. عيماراتتا كٷدٸكتٸ پاكەت تابىلدى, دەپ حابارلايدى قازاقپارات.
4 سەۋٸردە ساعات 9.05-تە قاراعاندى قالاسى پب وڭتٷستٸك-شىعىس پوليتسييا بٶلٸمٸنٸڭ كەزەكشٸ بٶلٸمٸنە مۇقانوۆ كٶشەسٸندەگٸ وبلىستىق مەديتسينالىق ورتالىقتا قول جۋعىش شۇڭعىلشانىڭ استىنان سكوتچپەن ورالعان زات تابىلعانى تۋرالى حابارلاما كەلٸپ تٷستٸ.
«قاراعاندى وبلىسى پد جەدەل كەزەكشٸسٸ وقيعا ورنىنا بارلىق شۇعىل قىزمەتتەردٸ جٸبەردٸ. مەديتسينالىق مەكەمە عيماراتىنان 400-گە جۋىق ادام ەۆاكۋاتسييالاندى, ونىڭ ٸشٸندە مەدپەرسونال, پاتسيەنتتەر, كەلۋشٸلەر بار», - دەپ حابارلادى قاراعاندى وبلىسى پد باسپاسٶز قىزمەتٸ.
پوليتسييا قىزمەتكەرلەرٸ تابىلعان زاتتى – تٷيمەلٸ ۇيالى تەلەفوندى, وعان ارنالعان قۋاتتاۋ قۇرىلعىسىن قاراپ شىقتى. ساعات 10.00-دە دابىلدى توقتاتۋ تۋرالى بەلگٸ بەرٸلدٸ. قازٸرگٸ ۋاقىتتا مەديتسينالىق ورتالىق قالىپتى رەجيمدە جۇمىس ٸستەۋدە.
