بٷگٸن قاراعاندى وبلىستىق كلينيكالىق اۋرۋحاناسىنىڭ №1 پەريناتالدىق ورتالىعىنان جٷكتٸ كەزٸندە COVID-19-بەن اۋىرعان 36 جاستاعى يرينا ميرونوۆا شىعارىلدى, دەپ حابارلايدى "ۇلت اقپارات".
ەيەل ٶزٸ جەنە بالاسى ٷشٸن قاتتى ۋايىمداعانىن ايتتى, بٸراق دەرٸگەرلەردٸڭ كەسٸبيلٸگٸنٸڭ ارقاسىندا بەرٸ ويداعىداي بولدى, كٶپتەن كٷتكەن ۇلى ساۋ بولىپ تۋدى.
يرينا ميرونوۆانىڭ جٷكتٸلٸگٸ اسقىنۋسىز ٶتتٸ. ەيەل بارلىق جوسپارلى سكرينينگتەردەن ٶتتٸ جەنە ٷنەمٸ گينەكولوگتىڭ باقىلاۋىندا بولدى.
دەرٸگەرلەر وعان شامامەن تامىز ايىنىڭ باسىندا بوسانۋى كەرەك دەپ بولجام جاساعان.
الايدا, 37-شٸ اپتادا ەيەل ٶزٸن ناشار سەزٸنە باستاعان. پتر تەستٸن جاساعاننان كەيٸن ول كوروناۆيرۋس جۇقتىرعانىن تٷسٸنگەن.
«باسىندا ٷرەي بولدى. مەنٸ قورقىنىش سەزٸمٸ باۋراپ, ٶزٸم ٷشٸن جەنە بالام ٷشٸن قاتتى الاڭدادىم. مەنٸ الدىمەن كەدٸمگٸ جۇقپالى اۋرۋلار اۋرۋحاناسىنا جاتقىزدى, بٸراق اسقىنۋ پايدا بولعاندىقتان پەريناتالدى ورتالىققا اۋىستىردى. تىنىس الۋ قيىن بولدى, ەنتٸگٸپ, تەمپەراتۋرا بٸرنەشە رەت كٶتەرٸلدٸ. دەرٸگەرلەر كەسار تٸلٸگٸن جاساۋعا شەشٸم قابىلدادى. سەبيدٸڭ دەنٸ ساۋ بولىپ تۋدى, بٸزدە بارلىق كٶرسەتكٸشتەر قالىپتى. مەن دەرٸگەرلەرگە ريزامىن», – دەدٸ ەيەل.
يرينانىڭ كٷيەۋٸ الەكساندر حالەپوۆ تە ەيەلٸ مەن بالاسى ٷشٸن قاتتى الاڭداعان.
«بٸزدٸڭ ٷلكەن ۇلىمىز 14 جاستا. بۇل بٸز ٷشٸن كٶپتەن كٷتكەن سەبيٸمٸز. مەن ٷنەمٸ ەيەلٸممەن بايلانىستا بولدىم. پەريناتالدى ورتالىقتىڭ دەرٸگەرلەرٸ مەن مەديتسينالىق قىزمەتكەرلەرٸ وعان ٶتە مۇقييات قارادى دەپ ايتا الامىن. مەن دەرٸگەرلەرگە ولاردىڭ قاجىرلى ەڭبەگٸ ٷشٸن ٷلكەن راحمەت ايتقىم كەلەدٸ», – دەپ الەكساندر حالەپوۆ مەديتسينا قىزمەتكەرلەرٸنە العىسىن بٸلدٸردٸ.
اتا-اناسى ۇلىنا دميتريي دەگەن ەسٸم بەردٸ.
وبلىستىق كلينيكالىق اۋرۋحانانىڭ اكۋشەرلٸك-گينەكولوگييالىق قىزمەتٸنٸڭ مەڭگەرۋشٸسٸ اندرەي بۋينەنكو پەريناتالدىق ورتالىقتاعى كوۆيدتٸك پەرزەنتحانا 7 شٸلدەدە جٷكتٸ ەيەلدەر اراسىندا اۋرۋدىڭ ٶسۋٸنە بايلانىستى اشىلعانىن ايتتى. ەسەپتٸك قۋاتتىلىعى 50 ادامعا شاقتالعان كوۆيدتٸك پەرزەنتحانادا قازٸرگٸ ۋاقىتتا 65 پاتسيەنت بار.
«بٷگٸن بٸز ٷشٸن قۋانىشتى وقيعا. انا مەن بالانى امان-ەسەن شىعارىپ جاتىرمىز. ناۋقاستا ٶكپە تٸندەرٸنٸڭ 60% زاقىمدانۋى بولدى. تىنىس الۋ جەتكٸلٸكسٸزدٸگٸ بايقالدى, ول رەانيماتسييادا بولدى. وسىعان بايلانىستى بٸزگە ونى مەرزٸمٸنەن بۇرىن بوساندىرىپ الۋعا تۋرا كەلدٸ. بٸراق بالا زارداپ شەككەن جوق. جٷكتٸ ەيەلدەردٸڭ كوروناۆيرۋس اۋرۋىنىڭ ەرەكشەلٸگٸ – ديافراگماتيكالىق تىنىس الۋ. بوسانۋدىڭ ٶزٸ كەشەندٸ ەمدەۋ كەزٸندە ناۋقاستىڭ جاعدايىن جاقسارتادى», – دەدٸ اندرەي بۋينەنكو.
كوۆيدتٸك پەرزەنتحانا پاتسيەنتتەردٸ 22 اپتادان باستاپ جەنە ودان دا ۇزاق مەرزٸمدەگٸ جٷكتٸلٸكپەن قابىلدايدى. بٷگٸنگٸ تاڭدا رەانيماتسييادا بەس ەيەل بار.
«بارلىق جاڭا تۋعان نەرەستەلەردٸ بٸز كۆي-عا ەكٸ رەت تەكسەرەمٸز. ٶتكەن ايدا ٸندەتتٸڭ سيمپتومسىز تٷرٸمەن اۋىرعان بالا دٷنيەگە كەلدٸ. بٸز ونى 10 كٷن باقىلاپ, شىعاردىق. بٸز بالالاردى اناسىنان بٶلٸپ المايمىز. ددۇ ۇسىنىمدارى مەن ۇلتتىق حاتتاماعا سەيكەس, جاڭا تۋعان نەرەستەگە اناسىمەن بٸرگە بولۋ جەنە ەمٸزۋ قاجەتتٸلٸگٸ كوروناۆيرۋستىڭ پايدا بولۋ قاۋپٸنەن اسىپ تٷسەدٸ. بٸراق بٸزدە بالاسىنا دەرت جۇقتىرۋدان قورقىپ, نەرەستەسٸن الىپ كەتۋدٸ ٶتٸنگەن ناۋقاستار بار. مۇنداي جاعدايلار از», – دەيدٸ اندرەي بۋينەنكو.
