Búgin Qaraǵandy oblystyq klinikalyq aýrýhanasynyń №1 perinataldyq ortalyǵynan júkti kezinde COVID-19-ben aýyrǵan 36 jastaǵy Irina Mironova shyǵaryldy, dep habarlaidy "Ult aqparat".
Áiel ózi jáne balasy úshin qatty ýaiymdaǵanyn aitty, biraq dárigerlerdiń kásibiliginiń arqasynda bári oidaǵydai boldy, kópten kútken uly saý bolyp týdy.
Irina Mironovanyń júktiligi asqynýsyz ótti. Áiel barlyq josparly skriningterden ótti jáne únemi ginekologtyń baqylaýynda boldy.
Dárigerler oǵan shamamen tamyz aiynyń basynda bosanýy kerek dep boljam jasaǵan.
Alaida, 37-shi aptada áiel ózin nashar sezine bastaǵan. PTR testin jasaǵannan keiin ol koronavirýs juqtyrǵanyn túsingen.
«Basynda úrei boldy. Meni qorqynysh sezimi baýrap, ózim úshin jáne balam úshin qatty alańdadym. Meni aldymen kádimgi juqpaly aýrýlar aýrýhanasyna jatqyzdy, biraq asqyný paida bolǵandyqtan perinataldy ortalyqqa aýystyrdy. Tynys alý qiyn boldy, entigip, temperatýra birneshe ret kóterildi. Dárigerler kesar tiligin jasaýǵa sheshim qabyldady. Sábidiń deni saý bolyp týdy, bizde barlyq kórsetkishter qalypty. Men dárigerlerge rizamyn», – dedi áiel.
Irinanyń kúieýi Aleksandr Halepov te áieli men balasy úshin qatty alańdaǵan.
«Bizdiń úlken ulymyz 14 jasta. Bul biz úshin kópten kútken sábiimiz. Men únemi áielimmen bailanysta boldym. Perinataldy ortalyqtyń dárigerleri men meditsinalyq qyzmetkerleri oǵan óte muqiiat qarady dep aita alamyn. Men dárigerlerge olardyń qajyrly eńbegi úshin úlken rahmet aitqym keledi», – dep Aleksandr Halepov meditsina qyzmetkerlerine alǵysyn bildirdi.
Ata-anasy ulyna Dmitrii degen esim berdi.
Oblystyq klinikalyq aýrýhananyń akýsherlik-ginekologiialyq qyzmetiniń meńgerýshisi Andrei Býinenko perinataldyq ortalyqtaǵy kovidtik perzenthana 7 shildede júkti áielder arasynda aýrýdyń ósýine bailanysty ashylǵanyn aitty. Eseptik qýattylyǵy 50 adamǵa shaqtalǵan kovidtik perzenthanada qazirgi ýaqytta 65 patsient bar.
«Búgin biz úshin qýanyshty oqiǵa. Ana men balany aman-esen shyǵaryp jatyrmyz. Naýqasta ókpe tinderiniń 60% zaqymdanýy boldy. Tynys alý jetkiliksizdigi baiqaldy, ol reanimatsiiada boldy. Osyǵan bailanysty bizge ony merziminen buryn bosandyryp alýǵa týra keldi. Biraq bala zardap shekken joq. Júkti áielderdiń koronavirýs aýrýynyń ereksheligi – diafragmatikalyq tynys alý. Bosanýdyń ózi keshendi emdeý kezinde naýqastyń jaǵdaiyn jaqsartady», – dedi Andrei Býinenko.
Kovidtik perzenthana patsientterdi 22 aptadan bastap jáne odan da uzaq merzimdegi júktilikpen qabyldaidy. Búgingi tańda reanimatsiiada bes áiel bar.
«Barlyq jańa týǵan nárestelerdi biz KVI-ǵa eki ret tekseremiz. Ótken aida indettiń simptomsyz túrimen aýyrǵan bala dúniege keldi. Biz ony 10 kún baqylap, shyǵardyq. Biz balalardy anasynan bólip almaimyz. DDU usynymdary men ulttyq hattamaǵa sáikes, jańa týǵan nárestege anasymen birge bolý jáne emizý qajettiligi koronavirýstyń paida bolý qaýpinen asyp túsedi. Biraq bizde balasyna dert juqtyrýdan qorqyp, nárestesin alyp ketýdi ótingen naýqastar bar. Mundai jaǵdailar az», – deidi Andrei Býinenko.
