قاراعاندىدا كٶپقاباتتى تۇرعىن ٷيدٸڭ بٸر كٸرەبەرٸسٸ كارانتينگە جابىلدى. ونداعى پەتەرلەرگە كٷنٸنە ەكٸ رەت ازىق-تٷلٸك جەتكٸزٸلەدٸ, دەپ حابارلايدى قازاقپارات.
قاراعاندىدا ەرمەكوۆ كٶشەسٸندەگٸ № 106/1 ٷيدٸڭ كٸرەبەرٸسٸنە 14 كٷندٸك كارانتين ەنگٸزٸلدٸ. تۇرعىندارعا دالاعا شىعۋعا شەكتەۋ قويىلدى. ولار تۇراقتى مەديتسينالىق باقىلاۋدا بولادى. ازىق-تٷلٸك پەن بٸرٸنشٸ قاجەتتٸلٸكتەگٸ تاۋارلاردى تۇراقتى جەتكٸزۋ, سونىمەن قاتار قوقىس شىعارۋ ۇيىمداستىرىلدى.
«تۇرعىندار اراسىندا COVID-2019 كٷدٸگٸمەن بٸر وقيعا تٸركەلۋٸنە بايلانىستى قاراعاندى قالاسىنداعى ەرمەكوۆ كٶشەسٸ, 106/1 مەكەنجايى بويىنشا ٷيدٸڭ كٸرەبەرٸسٸنە كارانتين ەنگٸزٸلدٸ. پەتەرلەر مەن كٸرەبەرٸسكە دەزينفەكتسييا جٷرگٸزٸلدٸ. پوليتسييا كٷزەت ورناتتى. دەرٸگەرلەر تۇرعىنداردىڭ دەنساۋلىعىن ٷنەمٸ قاداعالاپ وتىرادى», - دەپ حابارلادى قاراعاندى وبلىسىنىڭ تاۋارلار مەن كٶرسەتٸلەتٸن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸنەن.
تۇرعىندار كارانتين تالابىن بۇزباۋى ٷشٸن كٸرەبەرٸس ۋاقىتشا بۇعاتتالعان. پوليتسييا قىزمەتكەرلەرٸ مەن مەديتسينا ماماندارى ٷنەمٸ كەزەكشٸلٸك ەتەدٸ.
«كٸرەبەرٸستٸڭ ٸشٸندە قالدىقتاردى جيناۋعا ارنالعان پلاستيك كونتەينەر قاقپاقپەن جابىلعان. قوقىس كٷنٸنە ەكٸ رەت شىعارىلادى. ازىق-تٷلٸك ساعات 10.00-دە جەنە 17.00 «ايان« سۋپەرماركەتٸنەن ٶتٸنٸم بويىنشا جەتكٸزٸلەدٸ. كۋرەرمەن تٸكەلەي بايلانىس بولمايدى, تاپسىرىستاردى پوليتسييا قىزمەتكەرلەرٸ بەرەدٸ», - دەپ تٷسٸندٸردٸ قالا ەكٸمدٸگٸ.
14 كٷندٸك كارانتين اياقتالعاننان كەيٸن تۇرعىندار قالىپتى كٷندەلٸكتٸ رەجيمگە ورالا الادى.
