قاراعاندى قالاسىندا «سارقىلماس قازىنا» اتتى شەرتپە كٷي مەن جىر-تەرمەلەردٸڭ وبلىستىق فەستيۆالٸ ٶتتٸ, دەپ حابارلايدى "ۇلت اقپارات" ٶڭٸر ەكٸمدٸگٸنە سٸلتەمە جاساپ.
فەستيۆالدە دوستىق ٷيٸنٸڭ شىعارماشىلىق ورتالىقتارىنىڭ تەربيەلەنۋشٸلەرٸ رەسپۋبليكالىق جەنە حالىقارالىق بايقاۋلاردىڭ لاۋرەاتتارى – جاس اقىندار ٶز شەبەرلٸكتەرٸن كٶرسەتتٸ. ەڭ جاس قاتىسۋشى - 11-سىنىپ وقۋشىسى ابزال ماقاش جەلتوقسان ايىنىڭ باسىندا قانىش سەتباەۆتىڭ 120 جىلدىعىنا جەنە جاستار جىلىنا ارنالعان حالىقارالىق ايتىستىڭ جٷلدەسٸن يەلەنگەن بولاتىن. كٶرەرمەندەر دومبىرا, قوبىز جەنە جەتٸگەن سيياقتى تٷرلٸ حالىق اسپاپتارىنىڭ ەۋەندەرٸنە قانىقتى. اقتىق سىندا اقىندار «قۇلمانبەت ايتىس» اتتى سۋىرىپ سالما دوداسىن ۇيىمداستىردى. فەستيۆالدٸڭ شارىقتاۋ شەگٸ – كٷي تارتىس بٸرەگەي كٶرٸنٸسٸ بولدى. بۇل ٷلكەن سالتاناتتار مەن تويلاردا تانىمال بولعان ەجەلگٸ دەستٷر. جارىستىڭ مەنٸ – قارسىلاستىڭ ورىنداعان بەلگٸسٸز ەۋەنٸن كٷيشٸ سول مەنەردە الىپ كەتٸپ, جالعاستىرا الۋىندا. كٷي سيۋيتاسىن دومبىراشىلار قانات باقراەۆ, قايرات وماروۆ, تەمٸرلان كۋبات ورىندادى. «حالىقتىڭ دەستٷرٸ – قاسيەتتٸ, ولاردى ۇرپاقتان-ۇرپاققا جەتكٸزۋ ٶتە ماڭىزدى. بۇل فەستيۆال تٷرلٸ جاستاعى, ەرتٷرلٸ مەكتەپ پەن مەنەردٸ ورىنداۋشىلاردىڭ باسىن بٸرٸكتٸردٸ. جاستار ۇلتتىق ٶنەردٸ جالعاستىرادى جەنە دامىتادى. مەنٸڭ ويىمشا, بٸز كٶرەرمەندەرگە حالىق مۋزىكاسىنىڭ سۇلۋلىعىن كٶرسەتە الدىق», - دەپ اتاپ ٶتتٸ موڭعولييانىڭ ەڭبەك سٸڭٸرگەن ەرتٸسٸ جەنە قازاقستان مەدەنيەت قايراتكەرٸ مەرۋەرت باشاي. «بۇل فەستيۆالدٸ ۇلتتىق مەرەكە قارساڭىندا ٶتكٸزەمٸز. بٸز دوستىق ٷيٸن بەيبٸتشٸلٸك پەن كەلٸسٸم, ازاماتتىق باستامالار ورتالىعى ەتۋگە تىرىسۋدامىز. «رۋحاني جاڭعىرۋ» باعدارلاماسىن جٷزەگە اسىرۋعا بەلسەندٸ قاتىسامىز. بيىل سۋىرىپ سالما اقىندار, دومبىراشىلار مەكتەبٸ قۇرىلدى. فەستيۆال وسى جۇمىستاردىڭ جالعاسى بولدى. «دومبىرانىڭ ٷنٸ - سەنٸڭ جٷرەگٸڭنٸڭ ىرعاعى» دەپ بەكەر ايتپايدى. بٸزدٸڭ حالقىمىزدىڭ تاريحى ٶنەرگە تولى, شىعارمالار ارقىلى اتا-بابالارىمىزدىڭ داۋىسىن ەستيمٸز», - دەدٸ قاراعاندى وبلىسى ەكٸمٸ اپپاراتىنىڭ «قوعامدىق كەلٸسٸم» كمم ديرەكتورى ەرلان قۇسايىن.
شارا قاتىسۋشىلارىنا العىس حاتتار تابىس ەتٸلدٸ. «ارقا-ايتىس مەكتەبٸ» ورتالىعىنا كٷي مەن جىر-تەرمە جيناقتارى بار رەترو-پلاستينكا سىيعا تارتىلدى.
