قاراعاندى وبلىسى تجد باستىعى مۇرات قاتپانوۆ كانال سۋىنا باتىپ كەتكەن 9 جاستاعى بالانىڭ ٶلٸمٸنە قاتىستى پٸكٸر بٸلدٸردٸ, - دەپ حابارلايدى Tengrinews.kz تٸلشٸسٸ.
قاتپانوۆتىڭ ايتۋىنشا, بالانىڭ ٶلٸمٸ جازاتايىم وقيعا نەتيجەسٸندە بولعان. بالا دوستارىمەن بٸرگە سۋعا قايىق جٸبەرٸپ, اشىق كانال ماڭىندا ويناعان.
"بٸر كەزدە قايىق تۇرىپ قالعان. مارقۇم ونى يتەرٸپ جٸبەرگٸسٸ كەلٸپ, سۋعا قۇلاعان. قاتتى اعىس ونى اعىزىپ ەكەتكەن. ماماندار دابىل تٷسكەننەن كەيٸن بٸردەن وقيعا ورنىنا شىقتى. بالانىڭ دەنەسٸ بٸر ساعات ٸشٸندە ٶزٸ قۇلاعان جەردەن بەس جٷز مەتر قاشىقتان تابىلدى", - دەدٸ مۇرات قاتپانوۆ.
سونداي-اق, ول بۇل كانالدا ەشقانداي قورشاۋ جوق ەكەنٸن اتاپ ٶتتٸ.
"قازٸر قاراعاندى وبلىسىندا قار ەرٸپ جاتىر. ارىقتار مەن كانالداردا سۋ كٶلەمٸ ارتتى. سوندىقتان اتا-انالاردى باقىلاۋدى كٷشەيتۋگە شاقىرامىز. بالالارعا قاۋٸپتٸ جەرلەردٸڭ ماڭىندا ويناۋعا رۇقسات بەرمەڭٸزدەر. ٶكٸنٸشكە قاراي, ەربٸر كانالدا كەزەكشٸ بولا المايمىز. بۇل كانالدار تەحنولوگييالىق جاعىنان اشىق, قورشاۋسىز بولۋى كەرەك", - دەپ اتاپ ٶتتٸ مۇرات قاتپانوۆ.
قاراعاندى وبلىسىنىڭ پد ٶكٸلٸ بالا قايتىس بولعانى تۋرالى دەرەك تٸركەلگەنٸن, وقيعانىڭ مەن-جايى انىقتالىپ جاتقانىن ايتتى.
ايماق باسشىسى جەڭٸس قاسىمبەك قازا تاپقان بالانىڭ اتا-اناسىنا كٶڭٸل ايتتى. ول ەكٸمدٸككە بالالار جاراقاتىنىڭ الدىن الۋ بويىنشا جۇمىستى كٷشەيتۋدٸ تاپسىردى. سونىمەن قاتار, ەكٸم قاۋٸپتٸ كانالداردىڭ ماڭىنا ەسكەرتۋ بەلگٸلەرٸن قويۋدى تاپسىردى.
"مۇنداي قايعىلى وقيعا قايتالانباۋى كەرەك. وبلىس بويىنشا سۋ تاسقىنىنا قارسى ٸس-شارالار جٷرگٸزٸلٸپ جاتىر. كٶپ قار ەريدٸ. جاۋاپتى قىزمەتتەر كەز كەلگەن شتاتتان تىس جاعدايعا دايىن بولۋى كەرەك", - دەدٸ جەڭٸس قاسىمبەك.
