فوتو: Polisia.kz
قاراعاندىدا “ارلان” ارنايى ماقسات قىزمەتكەرلەرٸ ٶز ەيەلٸ مەن 2 جاسار قىزىن كەپٸلدە ۇستاعان كٷدٸكتٸنٸ قۇرىقتادى, – دەپ حابارلايدى "ۇلت اقپارات" Polisia.kz پورتالىنا سٸلتەمە جاساپ.
26 سەۋٸر ساعات 12.00 شاماسىندا قاراعاندى قالالىق پوليتسييا باسقارماسىنا قاراستى تەمٸرجول پوليتسييا بٶلٸمٸنە قالاداعى كٶپقاباتتى ٷيلەردٸڭ بٸرٸندە جانجال بولىپ جاتقانى تۋرالى حابارلاما تٷسكەن. وقيعا ورنىنا جەدەل تەرگەۋ توبى جٸبەرٸلٸپ, حابارلاما راستالعان.
"بەلگٸلٸ بولعانداي, 24 جاستاعى ازامات بٸرگە تۇراتىن 21 جاستاعى جارى مەن 2 جاستاعى قىزىن پىشاقپەن قورقىتىپ, كٷشتەپ ۇستاعان. الايدا ول ەشقانداي شارت قويماعان. قاسكٶيمەن اراداعى كەلٸسسٶز ٷش ساعاتتان استام ۋاقىت جٷرگٸزٸلدٸ. ازامات ەشقانداي كەلٸسسٶزگە كٶنبەدٸ. كەپٸلدٸكتەگٸ ادامداردىڭ ٶمٸرٸنە قاۋٸپ تٶنگەندٸكتەن, پوليتسييا قىزمەتكەرلەرٸنە شۇعىل شەشٸم قابىلداۋعا تۋرا كەلدٸ", – دەيدٸ قاراعاندى وبلىستىق پوليتسييا دەپارتامەنتٸ باستىعىنىڭ ورىنباسارى ەبٸل ەبٸلدين.
تٶتەنشە جاعدايلار دەپارتامەنتٸنٸڭ قىزمەتكەرلەرٸ پەتەردٸڭ ەسٸگٸن بۇزعان بەتتە, “ارلان” ارنايى ماقسات قىزمەتكەرلەرٸ بٸردەن ٸشكە كٸرٸپ, كٷدٸكتٸنٸ قولعا تٷسٸرگەن.
الدىن الا بولجام بويىنشا ازامات ەسٸرتكٸگە ەلتٸگەن كٷيدە بولعان. ال اناسى مەن قىزى ەشقانداي جەبٸر كٶرمەگەن. ولار داعدارىس ورتالىعىنا ورنالاستىرىلىپ, پسيحولوگييالىق كٶمەك كٶرسەتٸلٸپ جاتىر.
اتالعان دەرەك بويىنشا قازاقستان رەسپۋبليكاسى قك-نٸڭ 126-بابى 2-بٶلٸگٸ 3-پۋنكتٸنە سەيكەس قىلمىستىق ٸس تٸركەلدٸ. قازٸر تەرگەۋ ەرەكەتتەرٸ جٷرگٸزٸلٸپ جاتىر.
