قاراعاندى وبلىستىق سوتىنىڭ اپەللياتسييا القاسى كەمەلەتكە تولماعان قىز بالانى زورلاعانى ٷشٸن سوتتالعان ەر ادامنىڭ جازاسىن ٶزگەرٸسسٸز قالدىردى. ول ٶڭٸردەگٸ كەنتتەردٸڭ بٸرٸندە ٶزٸن يمام رەتٸندە تانىستىرىپ, بٸرنەشە رەت 13 جاسار جاسٶسپٸرٸم قىزبەن قاتىناسقا تٷسكەنٸ ٷشٸن 20 جىلعا باس بوستاندىعىنان ايىرىلعان بولاتىن, دەپ حابارلايدى قازاقپارات.
ەستەرٸڭٸزگە سالا كەتەيٸك, اعىمداعى جىلدىڭ قاڭتار ايىندا پوليتسييا قاراعاندى وبلىسى كەنتتەرٸنٸڭ بٸرٸندە ٶزٸن يماممىن دەپ تانىستىرعان ەر ادامدى ۇستادى.
جالعان يمام جەبٸرلەنۋشٸنٸڭ اتا-اناسىمەن سەنٸمدٸ قارىم-قاتىناستا بولىپ, ەرەسەكتەردٸڭ جوقتىعىن پايدالانىپ, بٸرنەشە رەت 13 جاسار قىزدى زورلاعان.
سالدارىنان قىز بالا جٷكتٸ بولىپ قالعان .
تەرگەۋ كەزٸندە قاسكٷنەمنٸڭ كٸنەسٸ دەلەلدەنٸپ, قر قك 120-بابى 4-بٶلٸگٸ بويىنشا 20 جىلعا باس بوستاندىعىنان ايىرىلدى.
الايدا سوتتالۋشى قىز بالا ونىمەن ٶز ەركٸمەن بايلانىسقا تٷسكەنٸن ايتىپ, اپەللياتسييالىق شاعىم جازعان.
«سوتتالعاننىڭ كٸنەسٸ سوتتا زەرتتەلگەن دەلەلدەمەلەرمەن, ونىڭ ٸشٸندە جەبٸرلەنۋشٸنٸڭ, ونىڭ زاڭدى ٶكٸلٸنٸڭ, كۋەلاردىڭ ايعاقتارىمەن, ساراپتاما قورىتىندىلارىمەن جەنە باسقا ٸس ماتەريالدارىمەن تولىق دەلەلدەنگەن. سوتتالعانعا نەگٸزگٸ جەنە قوسىمشا جازا ونىڭ جاساعان ٸس-ەرەكەتٸنە بايلانىستى زاڭدا كٶرسەتٸلگەن شەكتە, قىلمىستىڭ سيپاتى مەن قوعامعا قاۋٸپ دەرەجەسٸ, جەكە باسى, جەبٸرلەنۋشٸنٸڭ پٸكٸرٸ ەسكەرٸلٸپ دۇرىس تاعايىندالعان. تاعايىندالعان جازانىڭ مٶلشەرٸن ازايتۋعا, سوتتالعاننىڭ ەرەكەتتەرٸن قىلمىستىق زاڭنىڭ باسقا بابىمەن قايتا سارالاۋعا سوت القاسى نەگٸز انىقتامادى. ٷكٸم زاڭدى كٷشٸنە ەندٸ», - دەپ مەلٸمدەدٸ قاراعاندى وبلىستىق سوتىنىڭ باسپاسٶز قىزمەتٸ.
