فوتو: قر ەم
قر ەنەرگەتيكا مينيسترٸ ەرلان اقكەنجانوۆ قاراعاندى وبلىسىنا جۇمىس ساپارى اياسىندا ٶڭٸردٸڭ نەگٸزگٸ ەنەرگەتيكالىق نىساندارىنىڭ 2025–2026 جىلعى جىلۋ بەرۋ ماۋسىمىنا دايىندىق بارىسىن تەكسەردٸ, دەپ حابارلايدى Ult.kz.
مينيستردٸڭ ايتۋىنشا, ٷكٸمەتتٸڭ تاپسىرماسىمەن قىسقا دايىندىق كابينەتتەردە ەسەپتەر ارقىلى ەمەس, تٸكەلەي نىساندارعا بارىپ, ناقتى دايىندىقتى كٶزبەن كٶرۋ ارقىلى باقىلانادى.
توپار گرەس-ٸنە بارعاندا مينيستر تۋربواگرەگاتتى اۋىستىرۋدىڭ سوڭعى كەزەڭٸمەن تانىستى. جاڭا جابدىقتى ٸسكە قوسۋ اعىمداعى جىلدىڭ تامىز ايىنا جوسپارلانعان جەنە ول ٶڭٸردەگٸ جىلۋ بەرۋ سەنٸمدٸلٸگٸن ارتتىرادى. سونىمەن قاتار, ستانتسييادا جاڭا كٷل-قوقىس الاڭىنىڭ قۇرىلىسى قارقىندى جٷرۋدە. ال توپار كەنتٸندە قىزمەتكەرلەرگە ارنالعان جاڭا تۇرعىن ٷيلەر سالىنادى.
«جىلدار بويى شەشٸلمەگەن بٸرقاتار مەسەلەلەر بارىن بٸلەمٸز, بٸراق بٷگٸن ناقتى نەتيجەلەردٸ كٶرۋ ماڭىزدى. توپار گرەس-ٸندە قۋاتى جوعارى جاڭا تۋربينا ٸسكە قوسىلادى. قارمەت جەو-2-دە جەتٸنشٸ قازاندىقتىڭ ٸسكە قوسۋ جۇمىستارى اياقتالۋدا, ال شاحتينسك جەو تۇراقتى جۇمىس ٸستەپ تۇر. بۇل — ناقتى تاپسىرمالاردىڭ ورىندالۋىنىڭ كٶرٸنٸسٸ», — دەدٸ ەرلان اقكەنجانوۆ.
ساپار بارىسىندا قارجىلاندىرۋ مەسەلەسٸ دە سٶز بولدى. توپار گرەس-ٸنە 2025–2026 جىلدارعا ارنالعان جٶندەۋ جەنە ينۆەستيتسييالىق باعدارلاماعا 34,6 ملرد تەڭگە بٶلٸنگەن. سونىمەن قاتار, ٶڭٸردٸڭ جىلۋ جٷيەلەرٸن جاڭارتۋعا بيىل 10 ملرد تەڭگەدەن استام قاراجات قاراستىرىلعان. نەگٸزگٸ ينۆەستيتسييالىق جوبالاردىڭ بٸرٸ — جەزقازعان قالاسىندا 75 مۆت قۋاتتى بۋ-گاز قوندىرعىنىڭ قۇرىلىسى, بۇل ٶڭٸردەگٸ ەلەكتر قۋاتى تاپشىلىعىن ازايتۋعا مٷمكٸندٸك بەرەدٸ.
مينيستر كەسٸپورىن قىزمەتكەرلەرٸمەن دە تٸلدەسٸپ, جۇمىس بارىسىن باعالادى.
ەنەرگەتيكا مينيسترلٸگٸ ەلٸمٸزدٸڭ ەنەرگەتيكالىق نىساندارىنىڭ قىسقا دايىندىق جۇمىستارىن تۇراقتى باقىلاۋدا ۇستايدى. بارلىق جٶندەۋ جۇمىستارى جوسپارعا ساي جٷرگٸزٸلۋدە جەنە ٷكٸمەتتٸڭ باقىلاۋىندا.
