قاراعاندى وبلىسىندا «ەگٸندٸبۇلاق-قاراعاندى» باعىتىنداعى جولاۋشىلار اۆتوبۋسى اۋدارىلىپ, سالدارىنان 3 ادام جارالاندى, دەپ حابارلايدى "ۇلت اقپارات".
جول اپاتى بۇقارجىراۋ اۋدانىنداعى «قاراعاندى-اياگٶز-بۇعاز» تاس جولىنىڭ 103-شاقىرىمىندا, شەشەنقارا كەنتٸنەن 15 شاقىرىم قاشىقتىقتا بولعان.
«45 ادام قۇتقارىلدى. جولاۋشىلار شەشەنقاراداعى مەكتەپ عيماراتىنا ورنالاستىرىلدى. ٷش ادام اۋرۋحاناعا جاتقىزىلدى», - دەپ حابارلادى وبلىستىق تج دەپارتامەنتٸنٸڭ باسپاسٶز قىزمەتٸنەن.
سوڭعى 8 ساعاتتىڭ ٸشٸندە قاراعاندىلىق قۇتقارۋشىلار قار قۇرساۋىندا قالعان 20 ادامعا كٶمەك كٶرسەتكەن.
ساعات 10:32-دە اباي اۋدانىندا قۇتقارۋشىلار ۆولنىي جەنە اگروگورودوك كەنتتەرٸنٸڭ اراسىندا جولدا قالىپ قويعان ٷش كٶلٸكتەگٸ 10 ادامعا كٶمەكتەستٸ.
12:34-تە الماتى-ەكاتەرينبۋرگ تاس جولىنىڭ 986-شاقىرىمىنداعى جۇمابەك اۋىلىنىڭ ماڭىندا جٷك كٶلٸگٸ مەن جولاۋشىلار اۆتوبۋسى سوقتىعىسىپ قالدى. تج قىزمەتكەرلەرٸ بٸر ادامدى قۇتقارىپ, تاعى 15-ٸن قاراعاندىعا جەتكٸزدٸ. ولارعا مەديتسينالىق كٶمەكتٸڭ قاجەتٸ بولعان جوق.
سونداي-اق جاڭاارقا اۋدانىنداعى اقتٷبەك اۋىلىنا جاقىن جەردە قار قۇرساۋىندا قالعان جەڭٸل كٶلٸكتەردەن 11 ادام قۇتقارىلدى.
الماتى-ەكاتەرينبۋرگ تاس جولىنىڭ 1045-شاقىرىمىندا سىنىپ قالعان «شىمكەنت-استانا» اۆتوبۋسىنىڭ جولاۋشىلارىن قۇتقارۋعا جەرگٸلٸكتٸ 52859 ەسكەري بٶلٸمٸنٸڭ ساربازدارى جۇمىلدىرىلدى. 37 ادام تەمٸرتاۋعا جەتكٸزٸلدٸ.
