قاراعاندى وبلىسىندا سۋ تاسقىنىنا دايىندىق اياسىندا سۋ ٶتكٸزۋ قۇبىرلارىن تازارتۋ جەنە قار شىعارۋ جۇمىستارى جالعاسۋدا. بۇل مەسەلەلەر ٶڭٸر ەكٸمٸ جەڭٸس قاسىمبەكتٸڭ تٶراعالىعىمەن ٶتكەن تٶتەنشە جاعدايلار جٶنٸندەگٸ ٶڭٸرلٸك كوميسسييانىڭ كەزەكتٸ وتىرىسىندا تالقىلاندى, دەپ حابارلايدى "ۇلت اقپارات".
«قازگيدرومەتتٸڭ مەلٸمەتٸنشە, وبلىس بويىنشا جەردٸڭ توڭى 61-دەن 150 سم-گە دەيٸن قۇرايدى. سامارقان جەنە ىنتىماق سەكٸلدٸ ٸرٸ سۋ قويمالارىنان سانيتارلىق سۋ اعىزۋ جٷرگٸزٸلۋدە. قازٸرگٸ ۋاقىتتا ٶڭٸردە 69 شاقىرىم ارىق پەن 123 شاقىرىم ارنا تازالاندى. سۋ تاسقىنىنا دايىندىق كٷندەلٸكتٸ باقىلاۋدا», - دەپ مەلٸم ەتتٸ تجد باسشىسى مۇرات قاتپانوۆ.
ناۋرىز ايىنىڭ باسىندا «كٶكتەم-2021» وقۋ-جاتتىعۋى ٶتتٸ. مۇرات كاتپانوۆتىڭ ايتۋىنشا, بۇل جولى بارلىق كٷش-جٸگەر تەجٸريبەلٸك ساباقتارعا باعىتتالعان. 6 مىڭ مەترگە جۋىق ارىق, ارنالار, 280 سۋ ٶتكٸزۋ قۇبىرى تازارتىلىپ, 27 مىڭ تەكشە مەتردەن استام قار شىعارىلدى جەنە 2 مىڭ مەتر ترانشەيا تٶسەلدٸ.
ۆەدومستۆولىق موبيلدٸك توپتار قارقارالى, بۇقار جىراۋ اۋداندارى مەن تەمٸرتاۋ قالاسىنىڭ اۋىلدارىن تەكسەردٸ. 11 ەلدٸ مەكەننٸڭ باسشىلارىنا سۋ تاسقىنىنا دايىندىقتىڭ جەتكٸلٸكسٸزدٸگٸ تۋرالى ەسكەرتٸلدٸ.
جەرگٸلٸكتٸ ماڭىزى بار 69 جول ۋچاسكەسٸ ەرەكشە باقىلاۋعا الىندى. ماتەريالدىق-تەحنيكالىق قۇرالدار مەن ينەرتتٸ ماتەريالدار قورىنا تەكسەرۋ جٷرگٸزٸلدٸ. حالىق ٷشٸن ارنايى ۇسىنىستار ەزٸرلەندٸ.
15 ناۋرىزدان باستاپ بارلىق سۋ تاسقىنىنا قارسى شتابتار تەۋلٸك بويى جۇمىس ٸستەيتٸن بولادى.
وبلىستىڭ قالالارى مەن اۋداندارىنىڭ باسشىلارى تجد قىزمەتكەرلەرٸمەن بٸرگە اسا قاۋٸپتٸ سۋ تاسقىنى ۋچاسكەلەرٸن ارالاۋدى جالعاستىرۋدا.
وبلىس ەكٸمٸ سۋ تاسقىنى كەزەڭٸنە دايىندىق ٷشٸن ەربٸر قىزمەتتٸڭ جاۋاپكەرشٸلٸگٸن ەسكە سالدى.
«نەگٸزگٸ مٸندەت - ازاماتتاردىڭ قاۋٸپسٸزدٸگٸن, شارۋاشىلىق جٷرگٸزۋشٸ سۋبەكتٸلەردٸڭ, تٸرشٸلٸكتٸ قامتاماسىز ەتۋ وبەكتٸلەرٸنٸڭ, كٶلٸك ينفراقۇرىلىمىنىڭ اۋماقتارىن قورعاۋدى قامتاماسىز ەتۋ بولىپ تابىلادى. سوڭعى 3-4 جىلدا ٷلكەن جۇمىس جٷرگٸزٸلدٸ, بٸراق بارلىق پروبلەمالار ەلٸ شەشٸلگەن جوق, سوندىقتان دايىندىق ەرەكشە بولۋى تيٸس», - دەپ اتاپ ٶتتٸ جەڭٸس قاسىمبەك.
