قاراعاندى وبلىسى, بۇقار جىراۋ اۋدانى بوتاقارا كەنتٸنٸڭ تۇرعىنى قاناعات جۇماشۇلى العاشقىلاردىڭ بٸرٸ بولىپ كوروناۆيرۋسقا قارسى ەكپە الدى. اقساقال ٶزٸن جەنە جاقىندارىن جۇقتىرۋدان قورعاعىسى كەلەدٸ جەنە اۋىلداستارى مەن وبلىس تۇرعىندارىن ودان ٷلگٸ الۋعا شاقىرادى, دەپ حابارلايدى "ۇلت اقپارات".
قارييا 86 جاستا. ٶمٸر بويى ول ەسەپشٸ بولىپ جۇمىس ٸستەگەن. ەردايىم ٶتە بەلسەندٸ بولعان جەنە بوس وتىرماۋعا تىرىسقان. سوندىقتان زەينەتكە شىعىپ, بيزنەسپەن اينالىسۋدى شەشكەن. قارتايعانىنا قاراماستان, جەكە كەسٸپكەرلٸك اشىپ, اۋدان تۇرعىندارىنا سالىق ەسەپتەرٸن جاساۋعا جەنە ولاردى مەملەكەتتٸك كٸرٸستەر ورگاندارىنا تاپسىرۋعا كٶمەكتەسەدٸ.
ون تٶرتٸنشٸ سەۋٸردە بۇقار جىراۋ اۋدانىندا العاشقى ەگۋ پۋنكتتەرٸ اشىلعان كەزدە زەينەتكەر ۆاكتسيناتسييالاۋعا نيەت بٸلدٸردٸ. ەمحاناعا العاشقىلاردىڭ بٸرٸ بولىپ كەلگەن ول دەرٸگەردٸڭ قاراۋىنان ٶتٸپ, «سپۋتنيك V» ۆاكتسيناسىنىڭ بٸرٸنشٸ كومپونەنتٸن الدى.
«مەن مۇندا تۋعان-تۋىستارىما, جاقىندارىما, سونداي-اق اۋىلداستارىما ٷلگٸ كٶرسەتۋ ٷشٸن كەلدٸم. دەنساۋلىقتى ساقتاۋ ٷشٸن ەرقايسىمىز ۆاكتسيناتسييادان ٶتۋٸمٸز كەرەك. قورقۋدىڭ قاجەتٸ جوق! ەگەر بٸز قورقاتىن بولساق, جاعداي تەك ناشارلاي تٷسەدٸ. جاقسىلىققا سەنۋ كەرەك. ماعان قاراڭىزدارشى, مەن 86 جاستامىن, تولىققاندى ٶمٸر سٷرگٸم كەلەدٸ», - دەپ اتاپ ٶتتٸ قانات جۇماشۇلى.
ٶز ٸسٸنەن باسقا, اقساقال سپورتپەن دە بەلسەندٸ اينالىسادى. بيليارد, شاحمات, دويبى ويناعاندى ۇناتادى. ونىڭ 10 بالاسى, 21 نەمەرەسٸ جەنە 11 شٶبەرەسٸ بار
ايتا كەتۋ كەرەك, بٷگٸنگٸ تاڭدا بۇقار جىراۋ اۋدانىندا ٷش ۆاكتسيناتسييا پۋنكتٸ جۇمىس ٸستەيدٸ: ەكەۋٸ بوتاقارا كەنتٸنٸڭ ەمحاناسىندا جەنە بٸرەۋٸ عابيدەن مۇستافين اتىنداعى اۋىلدا. ەگۋ ناۋقانى باستالعاننان بەرٸ بارلىعى 285 ادام «سپۋتنيك V» ۆاكتسيناسىنىڭ بٸرٸنشٸ كومپونەنتٸن الدى.
