Qaraǵandy oblysy, Buqar Jyraý aýdany Botaqara kentiniń turǵyny Qanaǵat Jumashuly alǵashqylardyń biri bolyp koronavirýsqa qarsy ekpe aldy. Aqsaqal ózin jáne jaqyndaryn juqtyrýdan qorǵaǵysy keledi jáne aýyldastary men oblys turǵyndaryn odan úlgi alýǵa shaqyrady, dep habarlaidy "Ult aqparat".
Qariia 86 jasta. Ómir boiy ol esepshi bolyp jumys istegen. Árdaiym óte belsendi bolǵan jáne bos otyrmaýǵa tyrysqan. Sondyqtan zeinetke shyǵyp, biznespen ainalysýdy sheshken. Qartaiǵanyna qaramastan, jeke kásipkerlik ashyp, aýdan turǵyndaryna salyq esepterin jasaýǵa jáne olardy memlekettik kirister organdaryna tapsyrýǵa kómektesedi.
On tórtinshi sáýirde Buqar Jyraý aýdanynda alǵashqy egý pýnktteri ashylǵan kezde zeinetker vaktsinatsiialaýǵa niet bildirdi. Emhanaǵa alǵashqylardyń biri bolyp kelgen ol dárigerdiń qaraýynan ótip, «Spýtnik V» vaktsinasynyń birinshi komponentin aldy.
«Men munda týǵan-týystaryma, jaqyndaryma, sondai-aq aýyldastaryma úlgi kórsetý úshin keldim. Densaýlyqty saqtaý úshin árqaisymyz vaktsinatsiiadan ótýimiz kerek. Qorqýdyń qajeti joq! Eger biz qorqatyn bolsaq, jaǵdai tek nasharlai túsedi. Jaqsylyqqa sený kerek. Maǵan qarańyzdarshy, men 86 jastamyn, tolyqqandy ómir súrgim keledi», - dep atap ótti Qanat Jumashuly.
Óz isinen basqa, aqsaqal sportpen de belsendi ainalysady. Biliard, shahmat, doiby oinaǵandy unatady. Onyń 10 balasy, 21 nemeresi jáne 11 shóberesi bar
Aita ketý kerek, búgingi tańda Buqar Jyraý aýdanynda úsh vaktsinatsiia pýnkti jumys isteidi: ekeýi Botaqara kentiniń emhanasynda jáne bireýi Ǵabiden Mustafin atyndaǵy aýylda. Egý naýqany bastalǵannan beri barlyǵy 285 adam «Spýtnik V» vaktsinasynyń birinshi komponentin aldy.
