قاراعاندى وبلىسىنىڭ قۇتقارۋشىلارى تٶرتكٶل سۋ قويماسىنا باتىپ كەتكەن بالىقشىنىڭ مەيٸتٸن تاپتى. ەر ادامنىڭ دەنەسٸ جاعادان 500 مەتر جەردەن تابىلدى, دەپ حابارلايدى قازاقپارات.
10 قازاندا بٸرنەشە ادام بۇقار جىراۋ اۋدانىنداعى تٶرتكٶل كٶلٸنە بالىق اۋلاۋعا شىققان. ەر ادامداردىڭ بٸرٸ قايىققا مٸنٸپ, ال قالعان دوستارى جاعالاۋدا بالىق اۋلاعان. ٶزٸ جالعىز قايىقپەن كەتكەن بالىقشىنى جولداستارى سوڭعى رەت كەشكە كٶرگەنٸن ايتادى. بٸراز ۋاقىتتان سوڭ ونى ٸزدەۋگە شىققان. الايدا تابا الماعان. كەلەسٸ كٷنٸ تاڭەرتەڭ 11 قازاندا بالىقشىلار دوسىن تابا الماي, قۇتقارۋشىلارعا حابارلاسقان.
«ٸزدەۋ جۇمىستارىنىڭ بٸرٸنشٸ كٷنٸ ارنايى توپ بالىقشىنىڭ اۋدارىلعان رەزٸڭكە قايىعىن تاپتى. بٷگٸن قۇتقارۋشىلار سۋعا باتىپ كەتكەن ادامنىڭ دەنەسٸن جاعادان 500-600 مەتر قاشىقتىقتان تاپتى», - دەپ مەلٸمدەدٸ قاراعاندى وبلىسىنىڭ تجد باسپاسٶز قىزمەتٸ.
قۇتقارۋشىلار ازاماتتارعا سۋ ايدىندارىنداعى قاۋٸپسٸزدٸك ەرەجەلەرٸن ەسكە سالادى.
- جازاتايىم وقيعالاردى بولدىرماۋ ٷشٸن بالىق اۋلاعاندا جاعالاۋدان الىس كەتپەگەن جٶن;
- سۋ ايدىنىنا شىعار الدىندا قايىقتىڭ جاي-كٷيٸن مۇقييات تەكسەرۋ قاجەت, ونىڭ زاقىمدانباعانىنا, ەسكەكتەرٸنٸڭ اقاۋسىز ەكەنٸنە كٶز جەتكٸزٸڭٸز;
- قايىقتا ەر ادامعا ارنالعان قۇتقارۋ شەڭبەرٸ, بەلبەۋٸ نەمەسە كەۋدەشەسٸ بولۋى مٸندەتتٸ;
- داۋىلدى اۋا رايى كەزٸندە سۋعا شىعۋعا تىيىم سالىنادى.
