قاراعاندى وبلىسىندا جول اپاتىنان ەكٸ دەرٸگەر قازا تاۋىپ, "جەزقازعان مەديتسينالىق ورتالىعى" جشس بالقاش قالالىق ەمحاناسىنىڭ سەگٸز مەديتسينا قىزمەتكەرٸ زارداپ شەكتٸ.
"قر دەنساۋلىق ساقتاۋ مينيسترلٸگٸ قاراعاندى وبلىسى اقتوعاي اۋدانى سارىشاعان اۋىلىنىڭ جانىندا بولعان قايعىلى وقيعاعا بايلانىستى قايعىرا كٶڭٸل ايتادى.
جول اپاتىنان بالقاش قالاسىنداعى "جەزقازعان مەديتسينالىق ورتالىعى" جشس ەمحاناسىنىڭ 2 دەرٸگەرٸ قازا بولىپ, 8 مەديتسينا قىزمەتكەرٸ زارداپ شەكتٸ. دەرٸگەرلەر بالقاش قالاسىنداعى "قازاقمىس" كومپانيياسىنىڭ جۇمىسشىلارىن پروفيلاكتيكالىق قاراپ-تەكسەرۋدەن ٶتكٸزٸپ, قايتىپ كەلە جاتقان بولاتىن. ولار مٸنگەن اۆتوبۋس ماز ماركالى جٷك اۆتوكٶلٸگٸمەن سوقتىعىسىپ, جول اپاتىنا ۇشىرادى.
مينيسترلٸك اتىنان مەزگٸلسٸز كٶز جۇمعان ۆيكتورييا كەنجەحانوۆا مەن باقىت قىستاۋباەۆا جاقىندارى مەن وتباسىنا قايعىرا كٶڭٸل ايتامىز.
وتولارينگولوگ ۆيكتورييا كەنجەحانوۆا مەن وفتولمولوگ دەرٸگەر باقىت قىستاۋباەۆا ازاماتتاردىڭ دەنساۋلىعىن قورعاۋعا ونداعان جىل عۇمىرىن سارپ ەتكەن ناعىز كەسٸبي ماماندار ەدٸ. ايماقتىق دەنساۋلىق ساقتاۋ سالاسى ورنى تولماس اۋىر قازاعا دۋشار بولدى", - دەلٸنگەن مينيسترلٸك حابارلاماسىندا.
ەسكە سالايىق, جول اپاتى 19 قىركٷيەكتە ساعات 19:30 شاماسىندا "الماتى - ەكاتەرينبۋرگ" تاسجولىندا, سارىشاعان كەنتٸنەن 30 شاقىرىم جەردە بولدى. تاسجولدا ماز جٷك كٶلٸگٸ مەن پاز جولاۋشىلار اۆتوبۋسى سوقتىعىستى. سالدارىنان بارلىعى 4 ادام قازا بولدى. كٶلٸك اپاتى كەزٸندە اۆتوبۋستا 11 ادام وتىرعان.
