بۇقار جىراۋ اۋدانىنداعى ورمان ٶرتٸ سٶندٸرٸلدٸ. قارقارالى اۋدانىندا تاعى ەكٸ ٶرت سٶندٸرٸلٸپ جاتىر, - دەپ حابارلايدى Tengrinews.kz.
قاراعاندى وبلىسى تجد باسپاسٶز قىزمەتٸنٸڭ مەلٸمەتٸنشە, 21 ماۋسىمدا بۇقار جىراۋ اۋدانىندا بەلاعاش ورماندار مەن جانۋارلار دٷنيەسٸن قورعاۋ بويىنشا ورمان شارۋاشىلىعى اۋماعىنان شىققان تابيعي ٶرت 22 ماۋسىمدا ساعات 22:13-تە جويىلدى. جالپى ٶرت اۋدانى 101,5 گەكتار.
قازٸرگٸ ۋاقىتتا قارقارالى اۋدانىندا تابيعي ٶرتتٸڭ ەكٸ وشاعى سٶندٸرٸلٸپ جاتىر.
وبلىستىق تجد مەلٸمەتٸنشە, ٶرتتٸڭ العاشقى وشاعىنىڭ اۋدانى شامامەن 400 گەكتار (21 ماۋسىمدا ەگٸندٸبۇلاق اۋىلىنان سولتٷستٸك-شىعىسقا قاراي 10 شاقىرىم جەردە شىققان), وندا بۇتالار مەن شٶپتەر بىقسىپ جاتىر. ٶرتتٸ تجد جەنە ورمان شارۋاشىلىعى كٷشتەرٸ سٶندٸرٸپ جاتىر.
ٶرتتٸڭ ەكٸنشٸ وشاعىنىڭ اۋدانى شامامەن 500 گەكتار (22 ماۋسىمدا شىققان).
"ٶرتتٸ سٶندٸرۋگە 182 ادام, 30 دانا تەحنيكا جۇمىلدىرىلدى. تجم تٸكۇشاقتارىمەن جانىپ جاتقان ۋچاسكەلەرگە سۋ جٸبەرۋ جالعاسادى. بارلىعى 42 رەت سۋ قۇيىلدى", - دەپ حابارلادى باسپاسٶز قىزمەتٸندەگٸلەر.
وقيعا ورنى تاۋلى, جارتاستى جەر بولعان سوڭ ٶرتتٸ سٶندٸرۋ قيىنعا سوعىپ جاتىر. وعان قوسا جاقىن جەردە سۋ قويماسى جوق, جەلدٸڭ باعىتى سەت سايىن ٶزگەرەتٸنٸ حابارلاندى.
