قاراعاندىدا كٶپقاباتتى ٷيلەردٸڭ بٸرٸندە گاز باللونى جارىلدى. وقيعا سالدارىنان اۋرۋحاناعا ٶتە اۋىر حالدە ەر ادام جەتكٸزٸلدٸ, دەپ حابارلايدى "ۇلت اقپارات".
قايعىلى وقيعا قاراعاندىنىڭ 21-ٸنشٸ شاعىناۋدانىندا, بەسٸنشٸ قاباتتاعى بٸر بٶلمەلٸ پەتەردە بولدى. سىيىمدىلىعى 27 ليتر بولاتىن گاز باللونى جارىلعان.
«16 ناۋرىزدا ساعات 00.45-تە قاراعاندىنىڭ 21-شاعىناۋدانىندا 5-قاباتتاعى بٸر بٶلمەلٸ پەتەردە گاز-اۋا قوسپاسىنىڭ جارىلىسى بولىپ, 5 شارشى مەتر اۋماقتا ٷي زاتتارى مەن جيھازدارى جانىپ كەتتٸ. ٶرت ورنىنان 1994 جىلى تۋعان ەر ادام اۋرۋحاناعا جەتكٸزٸلدٸ. ٶرت 1 ساعات 19 مينۋتتا سٶندٸرٸلدٸ. تجد كٷشٸمەن باسپالداق مارشى بويىنشا بٸر ادام قۇتقارىلىپ, 25 ادام (ونىڭ ٸشٸندە التى بالا) ەۆاكۋاتسييالاندى. وقيعا ورنىنا تجد-نٸڭ 40 قىزمەتكەرٸ مەن 11 تەحنيكاسى جۇمىلدىرىلدى. الدىن الا بولجام بويىنشا, وتتىڭ شىعۋ سەبەبٸ – 27 ليترلٸك گاز باللونىنىڭ رەدۋكتورىنان گاز-اۋا قوسپاسىنىڭ اعىپ كەتۋٸ. قاراعاندى وبلىسىنىڭ تجد ەسكە سالادى: 2 قاباتتان ارتىق قاباتتى كٶپپەتەرلٸ ٷيلەردە گاز باللوندارىن پايدالانۋعا تىيىم سالىنادى. تەك جارامدى گاز جابدىقتارىن پايدالانۋ قاجەت», - دەپ حابارلادى قاراعاندى وبلىستىق تجد-دان.
قاراعاندى وبلىسىنىڭ دەنساۋلىق ساقتاۋ باسقارماسى ەر ادامنىڭ جاعدايى تۋرالى حابارلادى.
«16 ناۋرىزدا 1994 جىلى تۋعان ناۋقاس پريشاحتينسكٸدەن جەدەل جەردەم بريگاداسىمەن ماقاجانوۆ كلينيكاسىنىڭ قابىلداۋ بٶلمەسٸنە شامامەن 1 ساعات 30 مينۋتتا جەتكٸزٸلدٸ. ناۋقاس ٶتە اۋىر جاعدايدا, اياق-قول, بەت, مويىن, ارقانىڭ 45% ٸٸٸ B دەرەجەلٸ كٷيٸك جاراقاتىمەن, كٷيٸك شوگى كٷيٸندە جەتكٸزٸلدٸ. قازٸرگٸ ۋاقىتتا ناۋقاس جانساقتاۋ بٶلٸمٸندە جاتىر, جاعدايى تۇراقتى اۋىر دەپ باعالانۋدا», - دەپ ناقتىلادى ۆەدومستۆودان.
جارىلىس سالدارىنان تۇرعىن ٷيدە ەلەكتر ەنەرگيياسى اقاۋلارى پايدا بولدى. الايدا, «قاراعاندى جارىق» جشس باسپاسٶز قىزمەتٸنٸڭ حابارلاۋىنشا, قازٸر ەلەكتر قۋاتى تەك جارىلىس بولعان كٸرەبەرٸستە عانا جوق. وكتيابر اۋدانىنىڭ ەكٸمدٸگٸ پەتەر مەن كٸرەبەرٸستٸ تازالاۋ جۇمىستارىن ۇيىمداستىردى.
«تۇرعىندار اراسىندا باسقا زارداپ شەككەندەر جوق جەنە ولاردىڭ بارلىعى ٶز پەتەرلەرٸندە. ٷيدە جىلىتۋ جەنە سۋ بەرۋ قالىپقا كەلتٸرٸلدٸ. ەلەكتر ەنەرگيياسىنا كەلەتٸن بولساق, ول تەك ٶرت بولعان كٸرەبەرٸستە عانا جوق, جاقىن ارادا «قاراعاندى جارىق« جشس ماماندارى مەسەلەنٸ شەشەتٸن بولادى. جەرگٸلٸكتٸ ەكٸمدٸكتٸڭ كٷشٸمەن پەتەردٸ بولعان جاعدايدان تازارتۋ جۇمىستارى ۇيىمداستىرىلدى», - دەپ تٷسٸندٸردٸ ۆەدومستۆودا.
