قاراعاندى وبلىسىندا كەنشٸلەردٸڭ جالاقىسى كٶتەرٸلەتٸن بولدى, دەپ حابارلايدى قازاقپارات ٶڭٸر ەكٸمدٸگٸنٸڭ رەسمي سايتىنا سٸلتەمە جاساپ.
«اباي» كەنٸشٸندەگٸ قايعىلى وقيعادان كەيٸن كەنشٸلەر كٶتەرگەن مەسەلەلەر شەشٸمٸن تاپپاق. 10 كٷن بويىنا كەلٸسٸم كوميسسيياسى جۇمىس ٸستەدٸ, ونىڭ قۇرامىنا كەسٸپوداق ۇيىمدارى, ەر كەنٸشتەن بەلسەندٸلەر, جەرگٸلٸكتٸ اتقارۋشى ورگان ٶكٸلدەرٸ كٸردٸ. كوميسسييانى قاراعاندى وبلىسىنىڭ ەكٸمٸ جەڭٸس قاسىمبەك باسقاردى.
بٷگٸن ايماق باسشىسى ج.قاسىمبەك ٶڭٸرلٸك كوممۋنيكاتسييالار قىزمەتٸ الاڭىندا ٶتكەن تٸكەلەي ەفيردە كەلٸسٸم كوميسسيياسى جۇمىسىنىڭ قورىتىندىسىن باياندادى.
«12 تالاپ قويىلدى. ولاردىڭ بارلىعى ەدٸل. مەن بارلىق شاحتالاردى ارالاپ شىقتىم, كەنشٸلەرمەن كەزدەسۋلەردە تولعاندىراتىن بارلىق مەسەلەنٸ تالقىلادىق», – دەپ اتاپ ٶتتٸ جەڭٸس قاسىمبەك.
كومپانييا ٶز موينىنا قانداي مٸندەتتەمەلەردٸ الدى:
- جىل سايىن 1 قاڭتاردان باستاپ ينفلياتسييا دەڭگەيٸنٸڭ 100% كٶلەمٸندە جالاقىنى يندەكستەۋدٸ جٷزەگە اسىرۋ;
- ٶندٸرٸستٸك-ەكونوميكالىق كٶرسەتكٸشتەر جوسپارىنىڭ ورىندالۋىنا قاراماستان, بيىلعى جەلتوقسان ايىندا 13-شٸ ەڭبەكاقى تٶلەۋ;
- جەلتوقساندا جالاقىنى 15–17 پايىزعا كٶتەرۋ;
- كادر تاپشىلىعىن جويۋ, ول ٷشٸن جەلتوقسان ايىنىڭ سوڭىنا دەيٸن نورماتيۆتٸ ساندىق جەنە شتاتتىق كەستەنٸ ەزٸرلەپ, اي سايىن ولار تولىق قامتىلعانعا دەيٸن كەمٸندە 100 ادامدى جۇمىسپەن قامتۋ;
- جۇمىس اۆتوبۋستارىن جاڭارتۋ;
- 2018 جىلدىڭ 1 قاڭتارىنان كەيٸن جۇمىسقا ورنالاسقان قىزمەتكەرلەردٸڭ دەمالىس كٷندەرٸنٸڭ سانىن كٶبەيتۋ;
- ۇزاق ۋاقىت اۋىرعان ادامداردىڭ ەڭبەككە جارامسىزدىق پاراعىنداعى تٶلەمدەردٸ 50 اەك-كە دەيٸن ارتتىرۋ;
- شاحتالاردا تەحنيكالىق اۋديت جٷرگٸزۋ جەنە ەسكٸرگەن جابدىقتى پايدالانۋدان شىعارۋ;
- تاۋ-كەن-گەولوگييالىق جاعدايلارعا بايلانىستى جوسپارلاۋ تاپسىرمالارىن تٷزەتۋ.
سونداي-اق ەڭبەك قاۋٸپسٸزدٸگٸ مەسەلەلەرٸنە قاتىستى جۇمىس توبى قۇرىلدى. ماماندار 1996 جىلدان بەرٸ ورىن العان اپاتتاردىڭ بارلىعىن تەكسەرەتٸن بولادى. تالداۋ نەگٸزٸندە ٸس-شارالار جوسپارى جاسالۋى كەرەك.
زاڭناماداعى ٶزگەرٸستەر ٷش مەسەلەنٸ, سونىڭ ٸشٸندە زەينەت جاسىن تٶمەندەتۋدٸ تالاپ ەتەدٸ. ولار بويىنشا ٷكٸمەتكە حاتتار جولدانىپ, جۇمىستار جٷرگٸزٸلۋدە.
«كەلٸسٸم كوميسسيياسىنىڭ جۇمىسى اياقتالعان جوق. قابىلدانعان شەشٸمدەردٸڭ ورىندالۋىن ٶزٸم قاداعالايتىن بولامىن. ول ٷشٸن اي سايىن كەزدەسٸپ, ەكٸ جاقتى تىڭدايتىن بولامىز», – دەپ سەندٸردٸ جەڭٸس قاسىمبەك.
سونداي-اق وبلىس ەكٸمٸ كەنشٸلەر قالالارى – اباي, شاحتينسك جەنە ساراندى دامىتۋ جوسپارلارىنا دا توقتالدى. بۇل قالالاردا تۇرعىن ٷي قۇرىلىسىن, جولدار مەن ەلەۋمەتتٸك نىسانداردى جٶندەۋ, كٶشەلەردٸ اباتتاندىرۋ جالعاسادى.
