قاراعاندا وبلىسىندا Covid ٸندەتٸنٸڭ ٶرشۋٸنە بايلانىستى 12 سەۋٸردەن جاڭا شەكتەۋلەر ەنگٸزٸلەدٸ. بۇل جٶنٸندە بٷگٸن ٶتكەن بريفينگتە وبلىستىڭ باس سانيتار دەرٸگەرٸ يۋريي زالىگين حابارلادى.
بيلٸك ٶكٸلدەرٸنٸڭ ايتۋىنشا, حالىق كارانتين ەرەجەلەرٸنە باعىنباعاندىقتان, كوروناۆيرۋس جۇقتىرعاندار كٶبەيە تٷسكەن. وبلىس بويىنشا ەسٸرەسە قاراعاندى, تەمٸرتاۋ, پريوزەرسك قالالارىندا جەنە اباي, بۇقار جىراۋ, ۇلىتاۋ اۋداندارىندا ٸندەت ٶرشٸگەن. قازٸر وبلىستا Covid دياگنوزى زەرتحانادا دەلەلدەنگەن 18 715 ناۋقاس تٸركەلگەن.
12 سەۋٸردەن وبلىس ايماعىندا كٶپ مەكەمەنٸڭ جۇمىسى توقتايدى. ولاردىڭ اراسىندا ويىن-ساۋىق مەكەمەسٸ (تەك قاراعاندى قالاسىنداعى كەي نىسانداردا Ashyq جوباسى اياسىندا كەلۋشٸلەردٸ بٸرنەشە كاتەگوريياعا بٶلٸپ قابىلداۋعا رۇقسات بار), بالالاردىڭ ويىن ورتالىعى, مەكتەپتەگٸ سەكتسييا, كرۋجوكتار, تەاتر مەن كينوتەاتر, كوتسەرت زالى, تسيرك, بۋكمەكەرلٸك كەڭسە, بانكەت زالى, مەدەنيەت نىسانى (تەك كٸتاپحانا مەن مۋزەي 30 ادامعا دەيٸن قابىلداي الادى) سيياقتى ورىندار بار. وقۋشىلاردى جەكە-دارا وقىتۋعا دا رۇقسات ەتٸلمەيدٸ. ەكسكۋرسييا, كٶڭٸل كٶتەرەتٸن, بۇقارالىق شارا, فورۋم, كونفەرەنتسييا, كٶرمە مەن جەرمەڭكەگە دە تىيىم سالىندى.
جاتتىعۋ زالى, سەن سالونى, فيتنەس ورتالىعى جەنە باسسەيندەر الدىن الا جازىلۋ تەرتٸبٸمەن جۇمىس ٸستەيدٸ. سەنبٸ-جەكسەنبٸدە بٷكٸل ەل اۋماعىنداعى ساۋدا-ساۋىق ورتالىقتارى, ازىق-تٷلٸكتەن ٶزگە تاۋار ساتاتىن ٷلكەن دٷكەندەر, سپورتتىق-ەمدەۋ ورتالىقتارى, جابىق بازارلار جابىق بولادى. تٶبەسٸ اشىق بازارلار تەك جەكسەنبٸ كٷندەرٸ جابىلادى. سەنبٸ, جەكسەنبٸدە قالاارالىق جولاۋشى تاسىمالىنا دا تىيىم سالىنادى.
بيلٸك ٶكٸلدەرٸ جەكەمەنشٸك جەنە مەملەكەتتٸك مەكەمە قىزمەتكەرلەرٸنٸڭ 80 پايىزىن قاشىقتان جۇمىس ٸستەتۋگە شاقىردى. مەكتەپتەر ەلٸ ارالاس فورمادا وقىتىپ جاتىر, دەگەنمەن 6, 7, 8 جەنە 10-سىنىپ وقۋشىلارى قاشىقتان وقۋ جٷيەسٸنە كٶشكەن. مەكتەپكە دەيٸنگٸ جەنە باستاۋىش مەكتەپ وقۋشىلارى عانا دەستٷرلٸ فورمادا بٸلٸم الىپ جاتىر. بالاباقشالاردا تەك كەزەكشٸ توپتار عانا قالعان.
جەرگٸلٸكتٸ بيلٸكتٸڭ حابارلاۋىنشا, 10 سەۋٸردەن باستاپ قاراعاندى وبلىسىندا جۇرتقا كوروناۆيرۋس ينفەتسيياسىنا قارسى ەكپە سالۋ ناۋقانى باستالماق. رەسەي شيكٸزاتى نەگٸزٸندە قاراعاندى فارماتسەۆتيكا كەشەنٸندە ەزٸرلەنەتٸن رەسەيلٸك "سپۋتنيك V" ۆاكتسيناسىنىڭ ونداعان مىڭ دوزاسى اۋداندارداعى اۋرۋحانالارعا تاراتىلىپ جاتىر. بيلٸك ٶكٸلدەرٸنٸڭ مەلٸمدەۋٸنشە, جاقىن كٷندەرٸ ايماققا تاعى 55 مىڭ دوزا ۆاكتسينا كەلەدٸ. بۇعان دەيٸن مەديتسينا قىزمەتكەرلەرٸنە, مۇعالٸمدەرگە جەنە كٷش قۇرىلىمدارىنىڭ ٶكٸلدەرٸنە ۆاكتسينا سالىنىپ كەلسە, ەندٸ ەرٸك بٸلدٸرگەندەردٸڭ بەرٸ ەكپە الماق. تەك ول ٷشٸن تٸركەلگەن ەمحانا نە eGov mobile قوسىمشاسى ارقىلى ۋاقىتىن الدىن الا بەلگٸلەگەن جٶن.
