قاراعاندى وبلىسىندا پوليتسەيلەر ٷش ادامدى ٶلتٸرگەن كٷدٸكتٸنٸ «ٸزٸن سۋىتپاي» قولعا تٷسٸردٸ. قاسكٷنەم مۇنداي ەرەكەتكە ٷي يەسٸمەن جانجالداسىپ قالعان سوڭ بارعانىن مويىندادى, دەپ حابارلايدى "ۇلت اقپارات".
13 تامىز كٷنٸ ساعات 15:40 شاماسىندا قاراعاندى وبلىسى, شەت اۋدانى اعادىر كەنتٸندەگٸ جەكە ٷيلەردٸڭ بٸرٸنەن دەنەلەرٸندە پىشاق جاراقاتتارى بار 58 جاستاعى ٷي يەسٸمەن ونىڭ 59 جاستاعى جولداسى جەنە 21 جاستاعى قىزىنىڭ مەيٸتتەرٸ تابىلدى.
وقيعا ورىنىنا قاراعاندى وبلىستىق پوليتسييا دەپارتامەنتٸ باستىعىنىڭ ورىنباسارى ەرنات قالياقپاروۆ باستاعان جەدەل تەرگەۋ توبى جەنە وبلىستىق پروكۋراتۋرانىڭ قىزمەتكەرلەرٸ شىقتى.
«جەدەل ٸزدەستٸرۋ ٸس-شارالارى بارىسىندا پوليتسييا قىزمەكتەرلەرٸ وسى ٸسكە قاتىسى بار دەگەن كٷدٸكپەن 33 جاستاعى ادامدى «ٸزٸن سۋىتپاي» ۇستادى. ول اراداعى سٶزگە كەلٸسپەۋشٸلٸك بارىسىندا جەبٸرلەنۋشٸلەرگە پىشاق جاراقاتىن سالعانىن مويىندادى», - دەپ مەلٸمدەدٸ قاراعاندى وبلىستىق پد باسپاسٶز قىزمەتٸندەگٸلەر.
كٷدٸكتٸ ۋاقىتشا ۇستاۋ يزولياتورىنا قامالدى. اتالعان فاكتٸ بويىنشا قازاقستان رەسپۋبليكاسى قىلمىستىق كودەكسٸنٸڭ 99 بابى بويىنشا قىلمىستىق ٸس قوزعالدى. تيٸستٸ ساراپتامالار تاعايىندالىپ, تەرگەۋ امالدارى جٷرگٸزٸلۋدە.
