Qaraǵandy oblysynda politseiler úsh adamdy óltirgen kúdiktini «izin sýytpai» qolǵa túsirdi. Qaskúnem mundai áreketke úi iesimen janjaldasyp qalǵan soń barǵanyn moiyndady, dep habarlaidy "Ult aqparat".
13 tamyz kúni saǵat 15:40 shamasynda Qaraǵandy oblysy, Shet aýdany Aǵadyr kentindegi jeke úilerdiń birinen denelerinde pyshaq jaraqattary bar 58 jastaǵy úi iesimen onyń 59 jastaǵy joldasy jáne 21 jastaǵy qyzynyń máiitteri tabyldy.
Oqiǵa orynyna Qaraǵandy oblystyq Politsiia departamenti bastyǵynyń orynbasary Ernat Qaliaqparov bastaǵan jedel tergeý toby jáne oblystyq prokýratýranyń qyzmetkerleri shyqty.
«Jedel izdestirý is-sharalary barysynda politsiia qyzmekterleri osy iske qatysy bar degen kúdikpen 33 jastaǵy adamdy «izin sýytpai» ustady. Ol aradaǵy sózge kelispeýshilik barysynda jábirlenýshilerge pyshaq jaraqatyn salǵanyn moiyndady», - dep málimdedi Qaraǵandy oblystyq PD baspasóz qyzmetindegiler.
Kúdikti ýaqytsha ustaý izoliatoryna qamaldy. Atalǵan fakti boiynsha Qazaqstan Respýblikasy Qylmystyq Kodeksiniń 99 baby boiynsha qylmystyq is qozǵaldy. Tiisti saraptamalar taǵaiyndalyp, tergeý amaldary júrgizilýde.
