قاراعاندى وبلىسىندا اۋىل ەكٸمدەرٸن سايلاۋ بارىسىن 400-گە جۋىق بايقاۋشى مەن كانديداتتاردىڭ سەنٸم بٸلدٸرگەن ادامدارى باقىلاپ وتىر. بۇزۋشىلىقتار تۋرالى ەشقانداي مەلٸمدەمە تٷسكەن جوق. بۇل تۋرالى وبلىستىق سايلاۋ كوميسسيياسىنىڭ تٶراعاسى ەرقارا ايماعامبەتوۆ تٸكەلەي ەفيردە ٶتكەن بريفينگتە مەلٸمدەدٸ, دەپ حابارلايدى قازاقپارات.
«سايلاۋ ۋچاسكەلەرٸندە قوعامدىق بٸرلەستٸكتەر مەن ساياسي پارتييالاردىڭ بايقاۋشىلارى, كانديداتتاردىڭ سەنٸم بٸلدٸرگەن ادامدارى بولادى. بارلىعى - 391 ادام. ولاردان ەشقانداي شاعىم تٷسكەن جوق», - دەدٸ وبلىستىق سايلاۋ كوميسسيياسىنىڭ باسشىسى.
اۋماقتىق سايلاۋ كوميسسييالارىنىڭ مەلٸمەتٸنشە, ساعات 14:00-دە سايلاۋشىلاردىڭ كەلۋٸ 48%-دى قۇرادى.
ەڭ جوعارى بەلسەندٸلٸك ۇلىتاۋ, قارقارالى, وساكاروۆ اۋداندارىندا بايقالادى.
قاراعاندى وبلىسى پوليتسييا دەپارتامەنتٸ باستىعىنىڭ ورىنباسارى ەبٸل ەبٸلديننٸڭ اقپاراتى بويىنشا, سايلاۋ كٷنٸ جەكە قۇرام كٷشەيتٸلگەن كەزەكشٸلٸك رەجيمٸنە كٶشٸرٸلدٸ.
جاعداي تۇراقتى, قوعامدىق تەرتٸپتٸ بۇزۋ انىقتالعان جوق.
بريفينگتە وبلىستىڭ باس سانيتار دەرٸگەرٸ يۋريي زالىگين سانيتارلىق شارالاردىڭ قالاي ساقتالاتىنىن ايتتى.
كٸرەبەرٸستە كەلۋشٸلەردٸڭ تەمپەراتۋراسى ٶلشەنەدٸ. سايلاۋ كوميسسييالارىنىڭ مٷشەلەرٸ كوروناۆيرۋستىق ينفەكتسيياعا قارسى ەكپە العان.
باقىلاۋشىلار مەن سەنٸمدٸ ٶكٸلدەر پتر-تەستٸلەۋدەن ٶتتٸ.
قاراعاندى وبلىسىندا 149 ەلدٸ مەكەندە ەكٸم سايلاۋى ٶتٸپ جاتىر. ونىڭ نەتيجەسٸ بويىنشا 75 ەكٸم سايلانادى.
