Qaraǵandy oblysynda aýyl ákimderin sailaý barysyn 400-ge jýyq baiqaýshy men kandidattardyń senim bildirgen adamdary baqylap otyr. Buzýshylyqtar týraly eshqandai málimdeme túsken joq. Bul týraly oblystyq sailaý komissiiasynyń tóraǵasy Erqara Aimaǵambetov tikelei efirde ótken brifingte málimdedi, dep habarlaidy QazAqparat.
«Sailaý ýchaskelerinde qoǵamdyq birlestikter men saiasi partiialardyń baiqaýshylary, kandidattardyń senim bildirgen adamdary bolady. Barlyǵy - 391 adam. Olardan eshqandai shaǵym túsken joq», - dedi oblystyq sailaý komissiiasynyń basshysy.
Aýmaqtyq sailaý komissiialarynyń málimetinshe, saǵat 14:00-de sailaýshylardyń kelýi 48%-dy qurady.
Eń joǵary belsendilik Ulytaý, Qarqaraly, Osakarov aýdandarynda baiqalady.
Qaraǵandy oblysy politsiia departamenti bastyǵynyń orynbasary Ábil Ábildinniń aqparaty boiynsha, sailaý kúni jeke quram kúsheitilgen kezekshilik rejimine kóshirildi.
Jaǵdai turaqty, qoǵamdyq tártipti buzý anyqtalǵan joq.
Brifingte oblystyń bas sanitar dárigeri Iýrii Zalygin sanitarlyq sharalardyń qalai saqtalatynyn aitty.
Kireberiste kelýshilerdiń temperatýrasy ólshenedi. Sailaý komissiialarynyń músheleri koronavirýstyq infektsiiaǵa qarsy ekpe alǵan.
Baqylaýshylar men senimdi ókilder PTR-testileýden ótti.
Qaraǵandy oblysynda 149 eldi mekende ákim sailaýy ótip jatyr. Onyń nátijesi boiynsha 75 ákim sailanady.
