الماتى ەكٸمٸ باۋىرجان بايبەك حالىقپەن ەسەپتٸ كەزدەسۋٸندە قالانىڭ ەكولوگييالىق احۋالى تۋرالى ايتتى, دەپ حابارلايدى قازاقپارات تٸلشٸسٸ.
«الماتىدا قارا تٷتٸن بۇرىننان بولعان. قانداي شارا قولعا الساق تا, مەسەلەنٸ تولىق شەشە المايتىن. قالادا جاۋىن جاۋعاندا اۋا تازاراتىنىن بايقاعان شىعارسىزدار. ال جەل بولماسا, جاۋىن جاۋماسا, تٷتٸن قويۋلانىپ تۇرادى», - دەدٸ قالا ەكٸمٸ.
ونىڭ ايتۋىنشا, قالا بيلٸگٸ اۆتوكٶلٸك بٶلەتٸن زيياندى زاتتارمەن 70-80-جىلداردان بەرٸ كٷرەسٸپ كەلەدٸ. ول جىلدارى كٶلٸكتەردٸڭ بارلىعىن گازعا اۋىستىرۋعا تالپىنىس بولعان. بٷگٸندە حالىقتىڭ 99 پايىزى كٶگٸلدٸر وتىنعا اۋىستىرىلدى. ەلٸ دە كٶمٸر تۇتىناتىن ٷيلەرگە بيىلعى جىلدىڭ سوڭىنا دەيٸن گاز تارتىلاتىن بولادى.
«بٷگٸندە قالادا 2017 ٷي كٶمٸر پايدالانادى. وسىدان ەكٸ جىل بۇرىن بۇل كٶرسەتكٸش ٷش ەسە كٶپ ەدٸ. اتالعان ٷيلەردٸڭ بٸرازىنا جەتكٸزۋ جەلٸلەرٸ تارتىلدى. قالعان جارتىسىنا جىل سوڭىنا دەيٸن تارتىلادى. سونداي-اق, گاز قوسۋدان باس تارتىپ وتىرعان وتباسىلار دا بار. تابيعاتتى قورعاۋ پروكۋراتۋراسىنا تاپسىرما بەرٸلدٸ. ولار رەزەڭكە, قوقىس جاعاتىنداردى باقىلاپ وتىرادى», - دەدٸ ەكٸم.
