26 قىركٷيەك كٷنٸ ساعات 18.00-دە قازاقستاننىڭ حالىق ارتيسٸ, ٶنەرتانۋ پروفەسسورى مەيراموۆ تٸلەكتەس ۋاحيتۇلىنىڭ 70-جاسقا تولعان مەرەيتويىنا وراي «قار ٷستٸندەگٸ كٶگەرشٸننٸڭ ٸزٸ» اتتى شىعارماشىلىق كەشٸ ٶتەدٸ.
اتالعان ٸس-شارا مەدەنيەت جەنە سپورت مينيسترلٸگٸنٸڭ قولداۋىمەن, م.ەۋەزوۆ اتىنداعى قازاق مەملەكەتتٸك اكادەمييالىق دراما تەاترى مەن قازاقستان تەاترلارى اسسوتسياتسيياسىنىڭ ۇيىمداستىرۋىمەن قولعا الىنىپ وتىر.
قازاقستاننىڭ حالىق ارتيسٸ, ٶنەرتانۋ پروفەسسورى مەيراموۆ تٸلەكتەس ۋاحيتۇلى 1948 جىلى 20 مامىردا قاراعاندى وبلىسى ۋليانوۆ اۋدانى سۆەردلوۆ اتىنداعى سوۆحوزدا (قازٸرگٸ بۇقار جىراۋ اۋدانى كٶكپەكتٸ اۋىلىندا) دٷنيەگە كەلدٸ.
1971 جىلى الماتىداعى قۇرمانعازى اتىنداعى ٶنەر ينستيتۋتىن «تەاتر جەنە كينو اكتەرٸ» ماماندىعى بويىنشا پروفەسسور ا.توقپانوۆ پەن ش.جانداربەكوۆانىڭ جەتەكشٸلٸگٸمەن بٸتٸرٸپ, قازاقتىڭ مەملەكەتتٸك اكادەمييالىق م.ەۋەزوۆ اتىنداعى دراما تەاترىنا قابىلداندى. ساحناداعى العاشقى قادامىنان-اق, قوزى كٶرپەش رٶلٸمەن جارق ەتكەن تٸلەكتەس مەيراموۆ تەاتر ماماندارى, سىنشىلار مەن كٶرەرمەندەر نازارىنا بٸردەن ٸلٸكتٸ.
اكتەرلٸك اۋقىمى كەڭ, تابيعي دارىن يەسٸ تٸلەكتەس مەيراموۆ ورىنداعان رٶلدەرٸنٸڭ ٸشكٸ جان دٷنيەلەرٸنٸڭ قاتپارلارىن, كٷردەلٸ بولمىستارىن اشۋ جولىندا ٶتە تەرەڭ ٸزدەنٸستەرگە بارادى. شىعارماشىلىق جولىنىڭ باستاۋىندا-اق قوزى كٶرپەش, اقان سەرٸ, بٸرسٸمباي, جاراس, ەركٸن, توقپاەۆ, ۆالتەر, جانتاي سيياقتى ەر جانرداعى كٷردەلٸ بەينەلەردٸ شەبەر ورىنداعان اكتەر ساحناعا ويلى, سەزٸمدٸ, ارمانى مەن قايعىسى, مۇراتى مەن قاسٸرەتٸ قابات قىزۋقاندى كەيٸپكەرلەردٸ مولىنان شىعارىپ, تەاتر رەپەرتۋارىنان تەك ٶزٸنە تيەسەلٸ, تٸلەكتەس مەيراموۆقا عانا تەن ٶزٸندٸك ورنىن الا بٸلدٸ.
تەڭدەسسٸز اكتەر, ەنۋار مولدابەكوۆ ويناعان ۆوينيتسكيي, جانتىق, كەرٸم سيياقتى رولدەردٸڭ باسقاعا ەمەس, ت.مەيراموۆقا جٷكتەلۋٸنٸڭ ٶزٸ كٶپ جايلاردى اڭعارتسا كەرەك. ايتار ويعا مىعىم, ەشبٸر امپلۋا, تيپ, حاراكتەر دەپ بٶلٸپ-جارماي, بارىنشا شىنشىل, شىنايى, قييالىنا قوندىرعاندارىن, كٶكەيٸنە كٶندٸككەندەرٸن ناعىز كٶركەم بەينەلەر دەڭگەيٸنە كٶتەرٸپ, سوم دا سوقتالى, كەسەك تە كەلٸستٸ ەتٸپ نۇسقالاۋ-اكتەرلٸك وي ەركٸندٸگٸنٸڭ بۇلتارتپاس كٶرٸنٸسٸ. بۇل رەتتە شىڭعىس حان, جەڭگٸر حان, ەدٸل پاتشا, بەدەل, سورين, بەكتەر, انتونيي ت.ب. رٶلدەردٸ ەرەكشە اتاۋ كەرەك.
ت.مەيراموۆتىڭ سومداعان رولدەرٸنٸڭ ٸشٸندە ا.سٷلەيمەنوۆتٸڭ «سيتۋاتسييالار» تريپتيحٸندەگٸ باس كەيٸپكەرلەر بٷگٸنگٸ زامان, ەلەۋمەتٸمٸزدٸڭ, رۋحاني وي-بيٸگٸمٸز بەن جٷدەۋلٸگٸمٸزدٸڭ سيمۆولىنداي كەلٸستٸ كٶركەمدٸك قالىبىن تاپقان جۇمات, مەلٸك, پروكۋرور ٶمٸرٸمٸزدەگٸ ٸندەتتەردٸڭ تٷپ- تامىرىنا ٷڭٸلتەدٸ, اكتەردٸڭ قارىمدى شەبەرلٸگٸ, كٶپ قاتپارلى يدەيالارى, سٶزساپتاۋ ۇستانىمدارى ٶز كٶرەرمەندەرٸن اششى ساۋالدارعا ورتاقتاس, پٸكٸرلەس, جاقتاس ەتەدٸ.
ت. مەيراموۆ مونوسپەكتاكل جانرىنا قادام جاساعان تۇڭعىش قازاق اكتەرٸ. ەر جىلدارى ع.مٷسٸرەپوۆتٸڭ «اقان سەرٸ-اقتوقتى» تراگەديياسىن, ر.سەيسەنباەۆتىڭ «مايدان ەندەرٸ», ن.ۆ. گوگولدٸڭ «جىندىنىڭ جازبالارى» ەڭگٸمەلەرٸن, ۋ.شەكسپير, ا.گريبوەدوۆ, ع. مٷسٸرەپوۆ شىعارمالارى بويىنشا دايىندالعان «اقىلدان ازاپ» سپەكتاكلدەرٸن جالعىز ورىنداپ شىقتى.
ەيگٸلٸ تەاتر قايراتكەرلەرٸ ا.توقپانوۆ, ش.جانداربەكوۆا, ە.مەمبەتوۆ, ە.وباەۆ سىندى شەبەرلەردٸڭ مەكتەبٸنەن ٶتكەن, قىزمەت ەتكەن تەاترلارىنا, دوس-جاراندارىنا, كٶرەرمەندەرٸنە, ەڭ باستىسى-ٶزٸ سٷيگەن تٶل ٶنەرٸنە دەگەن ادالدىعىمەن, قۋاتتى تالانتىمەن, بيٸك ورىنداۋشىلىق شەبەرلٸگٸمەن سىيلى تٸلەكتەس مەيراموۆتىڭ شىعارماشىلىعى «ۇلتتىق ساحنامىزدىڭ بٷگٸنگٸ بيٸگٸ وسىنداي» دەپ ايتۋعا ەبدەن تۇرارلىق شىن شەبەرلٸك ەكەنٸن قاداپ ايتۋ ارتىق ەمەس.
ول 2001 جىلدان بەرٸ قازاقتىڭ ع.مٷسٸرەپوۆ اتىنداعى اكادەمييالىق جاستار مەن جاسٶسپٸرٸمدەر تەاترىندا ديرەكتور, استاناداعى جاستار تەاترىندا بەرتٸنٸرەكتە كٶركەمدٸك جەتەكشٸ قىزمەتتەرٸن دە اتقاردى. 2011 جىلى قىرعىز مەملەكەتتٸك ب.بەيشەناليەۆا اتىنداعى ٶنەر ينستيتۋتىن «رەجيسسۋرا» ماماندىعى بويىنشا سىرتتاي وقىپ بٸتٸردٸ.
تەاتر جەنە كينو سالاسىنداعى ەڭبەگٸمەن بٸرگە ەدەبي-شىعارماشىلىق جۇمىستارمەن دە اينالىسادى. ا.گەلماننىڭ «ناەدينە سو ۆسەمي», ن.ابدۋللوەۆتىڭ «دۆوە», ي.ۆوۆنيانكونىڭ «سمەرت ستريپتيزەرا» پەسالارىن قازاقشاعا اۋدارسا, ٸ.ەسەنبەرليننٸڭ «عاشىقتار», ش.ايتماتوۆتىڭ «عاسىردان دا ۇزاق تٷن» روماندارىن, ر. وتارباەۆتىڭ «دٷنيەعايىپ» پوۆەسٸن, و’ گەنريدٸڭ «ٷندٸستەردٸڭ كٶسەمٸ» ەڭگٸمەسٸن ساحناعا, ال م.ەۋەزوۆتىڭ «اباي جولى» رومانىن تەلەارناعا لايىقتاپ ينستسەنيروۆكالار جاسادى.
1993 جىلى «شىڭعىسحان» سپەكتاكلٸندەگٸ شىڭعىس حان بەينەسٸ ٷشٸن «ٷزدٸك ەر ادام رولٸ» (اۆتورى ي. ورازباەۆ ); 2004 جىلى «قوزى كٶرپەش – بايان سۇلۋ» سپەكتاكلٸندەگٸ قاراباي بەينەسٸ ٷشٸن «ٷزدٸك ەر ادام بەينەسٸ» اۆتورى (ع. مٷسٸرەپوۆ); 2012 جىلى كسرو حالىق ارتيسٸ ە.مەمبەتوۆتٸڭ 80-جىلدىعىنا ارنالعان قازاقستان دراما تەاترلارىنىڭ XX-رەسپۋبليكالىق فەستيۆالٸندە ع.مٷسٸرەپوۆتٸڭ «اقان سەرٸ – اقتوقتى» تراگەديياسىنداعى ناۋان رولٸ ٷشٸن «ەڭ ٷزدٸك ەر ادام بەينەسٸ» جٷلدەلەرٸن يەلەندٸ.
2006 جىلدان ق.قۋانىشباەۆ اتىنداعى مەملەكەتتٸك اكادەمييالىق قازاق مۋزىكالىق دراما تەاترىندا قىزمەت اتقارىپ كەلەدٸ.
ۆ. پۇسىرمانوۆتىڭ «سەرەبريانىي روگ الاتاۋ», «پروششاي, كراساۆيتسا», موڭعول كينوستۋديياسىمەن بٸرلەسٸپ تٷسٸرگەن «سترەلوك حۋمۋچي», س. تەۋەكەلدٸڭ «جەرۇيىق», ا.ساتاەۆتىڭ «جاۋ جٷرەك مىڭ بالا», ر. ەبدٸراشەۆتىڭ «قازاق حاندىعى» ر. سٷلەيمەنوۆتىڭ «كوگدا انگەلى سپيات» ت.ب. فيلمدەرٸنە تٷستٸ .
حالىق ارتيسٸ ت.مەيراموۆتىڭ شىعارماشىلىعى ساحنالىق جوعارى مەدەنيەتٸمەن, ەستەتيكالىقتالعامپازدىعىمەن, اكتەرلٸك ٸزدەنٸمپازدىعىمەن ەرەكشەلەنەدٸ. بٸرنەشە حالىقارالىق جەنە رەسپۋبليكالىق تەاترلار فەستيۆالدەرٸندە, و.بٶكەي اتىنداعى كٶركەمسٶز وقۋشىلار بايقاۋلارىندا قازىلىق ەتٸپ بٷگٸندە ۇستازدىق جولىن جالعاستىرىپ كەلەدٸ.
