قاپشاعايدا جالعان پوليتسەي ۇستالدى. ول ٸشكٸ ٸستەر ورگاندارىندا جۇمىس ٸستەيمٸن دەپ ٶزگەنٸڭ 737 مىڭ تەڭگە اقشاسىن يەمدەنگەن.
الماتى وبلىستىق پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنشە, قاپشاعاي قالاسىنىڭ پوليتسيياسىنا 21 جاستاعى تۇرعىننان ارىز تٷسكەن. ول ٶزٸن پوليتسەيمٸن دەپ تانىستىرعان ەر ادامنىڭ سەنٸمٸنە كٸرٸپ, اقشا العانىن جەتكٸزگەن. بٸراق قاراجاتتى قايتارماعاندىقتان, ول پوليتسيياعا ارىزدانعان.
جەدەل ٸزدەستٸرۋ كەزٸندە 23 جاستاعى كٷدٸكتٸ ۇستالدى. قازٸر ونىڭ ٷستٸنەن قر قىلمىستىق كودەكسٸنٸڭ 190-بابى, 1-بٶلٸگٸ, ياعني, «الاياقتىق» بويىنشا قىلمىستىق ٸس قوزعالىپ, تەرگەۋ جٷرٸپ جاتىر.
«تەرتٸپ ساقشىلارى ونىڭ نە سەبەپتٸ ٶزٸن پوليتسەيمٸن دەپ تانىستىرىپ, قانداي ماقساتپەن اقشا العانىن, سونىمەن قاتار, ٶزگە قىلمىستارعا قاتىسى بار-جوعىن انىقتاپ جاتىر», - دەلٸنگەن الماتى وبلىستىق پوليتسييا دەپارتامەنتٸنٸڭ حابارلاماسىندا.
دەپارتامەنت ۇستالعان ادامنىڭ پوليتسييا قىزمەتكەرٸ ەمەس ەكەنٸن جەنە ونىڭ بۇل جۇمىسقا مٷلدەم قاتىسى جوق ەكەنٸن مەلٸمدەدٸ. «تەرگەۋ بارىسىندا انىقتالعانداي كٷدٸكتٸ جەبٸرلەنۋشٸنٸڭ سەنٸمٸنە كٸرٸپ, 737 مىڭ تەڭگە اقشاسىن يەمدەنگەنٸ انىقتالدى. جەبٸرلەنۋشٸ دەر كەزٸندە پوليتسيياعا شاعىمدانعاندىقتان كٷدٸكتٸ دە دەر كەزٸندە ۇستالدى», - دەپ تولىقتىردى پوليتسييانىڭ باسپاسٶز قىزمەتٸ.
