الماتى وبلىسىندا ەكٸ اپتا بۇرىن ٸز-تٷزسٸز جوعالىپ كەتكەن 51 جاستاعى قىتاي ازاماتىنىڭ مەيٸتٸ تابىلدى, دەپ حابارلايدى Sputnik اگەنتتٸگٸ.
ەلەۋمەتتٸك جەلٸدە 11 جەلتوقساندا قاپشاعايدا "زاريا" ساياجاي الابى ماڭىنان ٸزدەۋ سالىنعان شەتەلدٸكتٸڭ مەيٸتٸ تابىلعانى تۋرالى اقپارات جارييالاندى. جازبادا مەيٸتتٸ LIDER.KZ ەرٸكتٸلەر ۇيىمىنىڭ ٸزدەۋ توپتارى دەمالىس ورىندارىنىڭ بٸرٸنٸڭ اۋماعىنان تاپقانى ايتىلعان.
پوليتسييا تاراعان اقپاراتتى راستادى. مارقۇمنىڭ دەنەسٸن تۋىستارى مەن دوستارى تانىعان. ۆەدومستۆوداعىلار سوت-مەديتسينالىق ساراپتامانىڭ قورىتىندىسىنا سەيكەس, 51 جاستاعى ەر ادام سۋعا باتىپ كەتٸپ, تۇنشىعىپ ٶلگەنٸن حابارلادى.
"ونىڭ دەنەسٸنەن قانداي دا بٸر زورلىق-زومبىلىق بەلگٸلەرٸ تابىلمادى. بٸراق قاجەتتٸ تەكسەرٸستەر جٷرگٸزٸلٸپ جاتىر, ونىڭ قورىتىندىسى بويىنشا ٶلٸمنٸڭ بارلىق مەن-جايى انىقتالادى", - دەدٸ الماتى وبلىسى پوليتسييا دەپارتامەنتٸنٸڭ باسپاسٶز قىزمەتٸ.
قايتىس بولعان 51 جاستاعى ۆان گانگ الماتىنىڭ مەدەۋ اۋدانىندا ۋاقىتشا تۇرعان. ورىس تٸلٸن مەڭگەرگەن, اۋىل شارۋاشىلىعى ٶنٸمدەرٸن جەتكٸزۋمەن اينالىسقان.
