Almaty oblysynda eki apta buryn iz-túzsiz joǵalyp ketken 51 jastaǵy Qytai azamatynyń máiiti tabyldy, dep habarlaidy Sputnik agenttigi.
Áleýmettik jelide 11 jeltoqsanda Qapshaǵaida "Zaria" saiajai alaby mańynan izdeý salynǵan sheteldiktiń máiiti tabylǵany týraly aqparat jariialandy. Jazbada máiitti LIDER.KZ eriktiler uiymynyń izdeý toptary demalys oryndarynyń biriniń aýmaǵynan tapqany aitylǵan.
Politsiia taraǵan aqparatty rastady. Marqumnyń denesin týystary men dostary tanyǵan. Vedomstvodaǵylar sot-meditsinalyq saraptamanyń qorytyndysyna sáikes, 51 jastaǵy er adam sýǵa batyp ketip, tunshyǵyp ólgenin habarlady.
"Onyń denesinen qandai da bir zorlyq-zombylyq belgileri tabylmady. Biraq qajetti tekserister júrgizilip jatyr, onyń qorytyndysy boiynsha ólimniń barlyq mán-jaiy anyqtalady", - dedi Almaty oblysy politsiia departamentiniń baspasóz qyzmeti.
Qaitys bolǵan 51 jastaǵy Van Gang Almatynyń Medeý aýdanynda ýaqytsha turǵan. Orys tilin meńgergen, aýyl sharýashylyǵy ónimderin jetkizýmen ainalysqan.
