الماتى وبلىسىنىڭ قاپشاعاي قالاسىنىڭ ماڭىندا ەرلٸ-زايىپتىلار مٸنگەن دەلتاپلان قۇلادى. 24 جاستاعى ەيەل جاراقات الىپ, اۋرۋحاناعا جەتكٸزٸلدٸ, دەپ حابارلايدى "ۇلت اقپارات".
«31 مامىر كەشكٸ توعىزدار شاماسىندا «الماتى-ٶسكەمەن» تاسجولىنىڭ 82-شٸ شاقىرىمىندا, ياعني, باقاناس اۋىلىنىڭ ماڭىندا ەكٸ كٸسٸلٸك دەلتاپلاننىڭ قۇلاعانى جٶنٸندە حابارلاما كەلٸپ تٷستٸ. ۇشۋ قۇرالى - جەكەمەنشٸك. 1996 جىلعى ازاماتشا زارداپ شەگٸپ, قاپشاعاي قالاسىنىڭ اۋرۋحاناسىنا جەتكٸزٸلدٸ» دەلٸنگەن الماتى وبلىستىق تج دەپارتامەنتٸ باسپاسٶز قىزمەتٸنٸڭ حابارلاماسىندا.
ۇشقىشتىڭ سٶزٸنشە, ولار شامامەن 5-10 مەتر بيٸكتٸككە كٶتەرٸلگەن كەزدە دەلتاپلاننىڭ قوزعالتقىشى ٶشٸپ قالعان. 1979 جىلعى ازامات ۇشۋ قۇرالىن شاماسى كەلگەنشە باسقارا وتىرىپ, جولدىڭ جيەگٸنە قۇلاعان.
وقيعا ورنىنا تٶتەنشە جاعداي قىزمەتٸنٸڭ 10 مامانى مەن 3 تەحنيكا بارعان.
