Almaty oblysynyń Qapshaǵai qalasynyń mańynda erli-zaiyptylar mingen deltaplan qulady. 24 jastaǵy áiel jaraqat alyp, aýrýhanaǵa jetkizildi, dep habarlaidy "Ult aqparat".
«31 mamyr keshki toǵyzdar shamasynda «Almaty-Óskemen» tasjolynyń 82-shi shaqyrymynda, iaǵni, Baqanas aýylynyń mańynda eki kisilik deltaplannyń qulaǵany jóninde habarlama kelip tústi. Ushý quraly - jekemenshik. 1996 jylǵy azamatsha zardap shegip, Qapshaǵai qalasynyń aýrýhanasyna jetkizildi» delingen Almaty oblystyq TJ departamenti baspasóz qyzmetiniń habarlamasynda.
Ushqyshtyń sózinshe, olar shamamen 5-10 metr biiktikke kóterilgen kezde deltaplannyń qozǵaltqyshy óship qalǵan. 1979 jylǵy azamat ushý quralyn shamasy kelgenshe basqara otyryp, joldyń jiegine qulaǵan.
Oqiǵa ornyna tótenshe jaǵdai qyzmetiniń 10 mamany men 3 tehnika barǵan.
