قازاقستانداعى ادام قۇقىقتارى جٶنٸندەگٸ ۋەكٸل ەلۆيرا ەزٸموۆا قاڭتار وقيعاسىنا بايلانىستى تەرگەۋ كەزٸندە كٷيٸك جاراقاتىن العانداردىڭ ٸسٸ تۋرالى پٸكٸر بٸلدٸردٸ, دەپ حابارلايدى قازاقپارات.
«الماتى وبلىسى مەن قالاسىندا بٸرنەشە ازاماتتىڭ, ونىڭ ٸشٸندە كەمەلەتكە تولماعان بالالاردىڭ دەنەسٸنە كٷيٸك جاراقاتى تٷسكەنٸ تۋرالى مەلٸمەتتەر رەزونانس تۋعىزدى. ونىڭ بەرٸ قازٸر ەشقايدا كەتپەۋ تۋرالى قولحات نەمەسە تۋىستارىنىڭ كەپٸلگەرلٸگٸ ارقىلى قاماۋدان بوساتىلدى. بۇل فاكتٸلەر بويىنشا تەرگەۋ باستالدى. ول جايتتاردىڭ قۇقىقتىق باعاسى سوت-مەديتسينالىق ساراپتامالار مەن مەديتسينالىق قورىتىندىلارعا بايلانىستى بولادى. سونداي-اق, كۋەگەرلەر مەن زارداپ شەگۋشٸلەردٸڭ بەرگەن جاۋابىنا دا بايلانىستى», - دەدٸ ەلۆيرا ەزٸموۆا.
ونىڭ ايتۋىنشا, ۇستالعانداردىڭ دەنساۋلىق جاعدايىنا بايلانىستى قاماۋ شارالارىن بالاما شارالارمەن اۋىستىرۋ تۋرالى ٶتٸنٸشتەرٸدٸڭ كٶبٸ قاناعاتتاندىرىلعان.
«ەمدەلۋدٸ قاجەت ەتەتٸن باسقا ۇستالعاندارعا مەكەمەنٸڭ ٸشٸندە مەديتسينالىق قىزمەت كٶرسەتٸلٸپ جاتىر. ازاماتتىق مەديتسينا ٶكٸلدەرٸنەن قۇرالعان تۇراقتى كوميسسييالار اتالعان مەكەمەلەرگە ۇدايى بارىپ جٷر», - دەدٸ ادام قۇقىقتارى جٶنٸندەگٸ ۋەكٸل.
