قاڭتار وقيعاسىنا قاتىستى تەرگەۋ بارىسىندا قىسىم كٶرسەتۋ فاكتٸسٸمەن 15 قىلمىستىق ٸس قوزعالدى. بۇل تۋرالى قر باس پروكۋراتۋراسى 1-قىزمەت باستىعىنىڭ ورىنباسارى ەلدوس قيلىمجانوۆ ايتتى, دەپ حابارلايدى قازاقپارات.
«سونىمەن قاتار بۇرىن قاماۋعا الىنعانداردىڭ بۇلتارتپاۋ شارالارىن جەڭٸلدەتٸپ جاتىرمىز. مىسالى, پروكۋرورلار الماتى قالاسىندا - 59, قىزىلوردا وبلىسىندا - 3 جەنە شىعىس قازاقستاندا - 1 ادامدى قاماۋدان بوساتتى. ولاردان ەشقايدا كەتپەۋ تۋرالى قولحات الىندى. سول سيياقتى قىزىلوردا پروكۋرورلارىنىڭ تالابى بويىنشا سوت سانكتسيياسىمەن ٷش ادام ٷيقاماققا جٸبەرٸلدٸ», - دەدٸ ول ورتالىق كوممۋنيكاتسييالار قىزمەتٸدەگٸ بريفينگ بارىسىندا.
ونىڭ ايتۋىنشا, وسى اتقارىلىپ جاتقان جۇمىستاردىڭ اشىقتىعىن قامتاماسىز ەتۋ ٷشٸن قوعامدىق ۇيىمدارمەن تىعىز بايلانىس ورناتىلعان.
«سونداي-اق تەرگەۋدەگٸ زاڭسىز ەرەكەتتەر تۋرالى شاعىمداردى ەرەكشە باقىلاۋعا الىپ, تەكسەرۋدەمٸز. بٷگٸنگٸ تاڭدا پروكۋراتۋراعا 108 ارىز تٷستٸ. ولاردىڭ نەگٸزٸندە لاۋازىمدىق ٶكٸلەتتٸكتٸ اسىرا پايدالانۋ, تەرگەۋ بارىسىندا قىسىم كٶرسەتۋ فاكتٸلەرٸ بويىنشا 15 قىلمىستىق ٸس قوزعالدى. اتاپ ايتقاندا, اتىراۋداعى «دينامو» ستاديونىندا ورىن العان جاعدايلار, تالدىقورعان قالاسىنىڭ تۇرعىنى باتىرباەۆقا زاڭسىز كٷش قولدانۋ جەنە باسقا دا فاكتٸلەر بار. وسىنداي وقيعالاردىڭ جان-جاقتى تولىق تەكسەرٸلۋٸن قامتامسىز ەتۋ ٷشٸن ولار بويىنشا تەرگەۋ جٷرگٸزۋ جەمقورلىققا قارسى كٷرەس قىزمەتٸنە جەنە ارناۋلى پروكۋرورلارعا تاپسىرىلدى», - دەدٸ ەلدوس قيلىمجانوۆ.
