قاڭتار وقيعاسى كەزٸندە شىمكەنتتە ەشكٸم وق اتۋعا رۇقسات بەرگەن جوق. بۇل تۋرالى ورتالىق كوممۋنيكاتسييالار قىزمەتٸندە ٶتكەن بريفينگٸدە قالا ەكٸمٸ مۇرات ەيتەنوۆ ايتتى, دەپ حابارلايدى قازاقپارات.
«شتابتا وق اتۋعا تاپسىرما بولماعان دا, بولمايدى دا. ال, بٸراق بٷگٸنگٸ كٷنٸ قۇقىق قورعاۋ قىزمەتكەرلەرٸنٸڭ ٶمٸرٸنە قاۋٸپ تٶنٸپ تۇرسا, زاڭعا سەيكەس ٶز قارۋىن قولدانۋعا رۇقساتى بار», - دەدٸ مۇرات دٷيسەنبەكۇلى.
سونداي-اق, قالا ەكٸمٸ قاڭتار وقيعاسىنداعى ۆيدەونىڭ اشىق تٷردە باق ارقىلى كٶرسەتٸلگەندٸگٸن جەتكٸزدٸ.
«قولىنا تەمٸر تەرسەك ۇستاعان ازاماتتار پوليتسييانى ۇرىپ جاتقانى جايىندا ۆيدەودا دا بار. بٸز ونى اشىق تٷردە جەرگٸلٸكتٸ باق-تا كٶرسەتتٸك. شىمكەنت قالاسىندا ۇستالعان تەرتٸپ بۇزۋشىلىلارعا تٷسٸندٸرۋ جۇمىستارى جٷرگٸزٸلدٸ. ايىبى دەلەلدەنگەندەرگە سوت ارقىلى شەشٸم شىعارىلدى», - دەدٸ ول.
ايتا كەتەيٸك, كەشە قر باس پروكۋراتۋراسى 1-قىزمەت باستىعىنىڭ ورىنباسارى ەلدوس قيلىمجانوۆ شىمكەنت پروكۋرورلارى 35 كٷدٸكتٸنٸڭ ٸسٸن سوتقا بەرگەنٸن مەلٸمدەگەن بولاتىن.
