قازاقستان پرەزيدەنتٸ قاسىم-جومارت توقاەۆ قاڭتار وقيعاسى كەزٸندە ەلدەن كەتۋگە ۇسىنىس جاسالعانىن مەلٸمدەدٸ, دەپ حابارلايدى Sputnik قازاقستان اگەنتتٸگٸ.
"روسسييا 24" ارناسىنا سۇحبات بەرگەن توقاەۆ قاڭتار وقيعالارىنىڭ نەگٸزگٸ ماقساتىن دا ايتتى.
"بارلىق تٶڭكەرٸستٸڭ نەگٸزگٸ ماقساتى بٸر عوي, ول – باسقا ادامداردىڭ بيلٸككە كەلۋٸ. ال ماعان كەلەتٸن بولساق, ول كٷندەرٸ وسىندا – پرەزيدەنت رەزيدەنتسيياسىندا بولدىم, ەشقايدا شىققان جوقپىن. ەلبەتتە, وسى جەردە تٷنەپ جٷردٸم", - دەدٸ مەملەكەت باسشىسى.
پرەزيدەنت جاپپاي تەرتٸپسٸزدٸكتەر باستالعاندا ەشقايدا كەتپەيتٸنٸن مەلٸمدەگەن. وسىنى تاعى بٸر مەرتە ەسكە سالدى.
"ماعان كەيبٸر "جولداستار" تٸكۇشاققا نەمەسە ۇشاققا وتىرىپ, قازاقستاننان كەتۋگە ۇسىنىس جاساعان. مەن, ەرينە, وندايدى جوسپارلاعان جوقپىن. وسى جەردە اياعىنا دەيٸن قالۋعا مٸندەتتٸ ەكەنٸمدٸ بٸلدٸم ", - دەپ اتاپ كٶرسەتتٸ توقاەۆ.
مەملەكەت باسشىسىنىڭ سۇحباتى بٷگٸن رەسەيلٸك تەلەارنانىڭ ەفيرٸندە كٶرسەتٸلەدٸ.
ايتا كەتەرٸ, بيىل قاڭتاردىڭ باسىندا جاڭاٶزەن مەن اقتاۋ قالالارىندا سۇيىتىلعان گازدىڭ باعاسى كٷرت كٶتەرٸلٸپ كەتتٸ. حالىق كٶشەگە شىقتى. ارتىنان نارازىلىق اكتسييالارى رەسپۋبليكا بويىنشا تارالىپ كەتتٸ. بٸرنەشە قالادا جاپپاي تەرتٸپسٸزدٸكتەر باستالدى. ەسٸرەسە, الماتى قالاسى قيىن جاعدايعا تاپ بولدى.
قالادا مەملەكەتتٸك مەكەمەلەر ٶرتتەندٸ, دٷكەندەر تونالدى. ادام شىعىنى دا از بولعان جوق. رەسپۋبليكا بويىنشا تٶتەنشە جاعداي ەنگٸزٸلدٸ. باس پروكۋراتۋرانىڭ مەلٸمەتٸنە سەيكەس, جاپپاي تەرتٸپسٸزدٸكتەر كەزٸندە 230 ادام قايتىس بولدى. ولاردىڭ اراسىندا 19 پوليتسەي مەن ەسكەري قىزمەتشٸ بار.
