قاڭتار وقيعاسى كەزٸندە قازا بولعان كٷش قۇرىلىمدارىنىڭ قىزمەتكەرلەرٸنٸڭ وتباسىنا پەتەر بەرٸلەدٸ. بۇل تۋرالى مەجٸلٸستٸڭ جالپى وتىرىسىندا ٷكٸمەت باسشىسىنىڭ ورىنباسارى ەرالى توعجانوۆ ايتتى, دەپ حابارلايدى قازاقپارات.
وسى ورايدا ول باسپانامەن قامتاماسىز ەتۋ مەسەلەسٸ ٷكٸمەتتٸڭ ەرەكشە باقىلاۋىندا ەكەنٸن اتاپ ٶتتٸ.
«بارشاسىنا بەلگٸلٸ, قاڭتارداعى قايعىلى وقيعالار كەزٸندە كٷش قۇرىلىمىنداعى 19 ادام قازا بولدى. ولاردىڭ اراسىندا شەكارا اكادەميياسىنىڭ ٷش كۋرسانتى دا بار. قازٸرگٸ كەزدە ناقتى شەشٸم بار, ياعني 13-ٸنە قاتىستى شەشٸم قابىلدانىپ, باسپانا بەرٸلدٸ. ٶڭٸر ەكٸمدەرٸمەن قالعان التى ادامعا قاتىستى مەسەلەنٸ تالقىلادىم. وسى ورايدا كۋرسانتتارعا بايلانىستى كٶتەرٸلگەن مەسەلە دە نازاردان تىس قالمادى. سوندىقتان بۇل مەسەلە 25 سەۋٸرگە دەيٸن شەشٸلەتٸن بولادى», - دەدٸ توعجانوۆ دەپۋتاتتاردىڭ سۇراقتارىنا جاۋاپ بەرە وتىرىپ.
