باس پروكۋروردىڭ ورىنباسارى ەسەت شىڭداليەۆ قاڭتار وقيعاسى بويىنشا راقىمشىلىققا ٸلٸككەن ادامداردى بوساتۋ تەرتٸبٸن تٷسٸندٸردٸ, - دەپ حابارلايدى Tengrinews.kz اگەنتتٸگٸ.
سەنات وتىرىسى كۋلۋارىندا جۋرناليستەر باس پروكۋروردىڭ ورىنباسارىنان قاڭتار وقيعاسىنا قاتىستى راقىمشىلىققا ٸلٸككەندەر قاشان بوساتىلاتىنىن سۇرادى.
"ناقتى مەرزٸمٸن ايتا المايمىن, ٶيتكەنٸ بٸرقاتار ٸستەر ەلٸ الدىن الا تەرگەۋ ورگاندارىمەن جٷرگٸزٸلٸپ جاتىر. اۋىر جەنە اسا اۋىر قىلمىستار بويىنشا الدىن الا تەرگەۋ تولىق كٶلەمدە جٷرگٸزٸلٸپ جاتىر. ٸس سوتقا جٸبەرٸلەدٸ, سوت بۇل ٸستٸ قارايدى, ٷكٸم شىعارىلعان كەزدە عانا سوت راقىمشىلىق اكتٸسٸن قولدانادى. "راقىمشىلىق جاساۋ تۋرالى" زاڭدا التى اي ٸشٸندە ۋەكٸلەتتٸ ورگاندار جٷزەگە اسىرۋ ٷشٸن بارلىق ۇيىمداستىرۋ شارالارىن قابىلداۋى تيٸس دەگەن نورما بار", - دەپ تٷسٸندٸردٸ شىڭداليەۆ.
ول قازٸردٸڭ ٶزٸندە جازاسىن ٶتەپ جاتقانداردىڭ 102-سٸ راقىمشىلىققا ٸلٸگەتٸنٸن ايتتى.
"ٷكٸم بولسا, باس بوستاندىعىنان ايىرۋ جازاسىنا كەسٸلگەن بولسا, مەكەمە ەكٸمشٸلٸگٸ نەمەسە ونىڭ ٶزٸ وعان راقىمشىلىق اكتٸسٸن قولدانۋ تۋرالى سوتقا ٶتٸنٸش جٸبەرەدٸ. زاڭ بويىنشا سوت ونى بٸر اي ٸشٸندە قاراي الادى, سودان كەيٸن سوت شەشٸم شىعارادى. ەگەر ادام اۋىرلىعى از جەنە ورتاشا ٸستەر بويىنشا سوتتالعان بولسا, ول جازادان بوساتىلادى, ول بٸردەن بوساتىلۋى مٷمكٸن. ال ەگەر جاي عانا جازانى قىسقارتۋ بولسا, وندا ول قالعان مەرزٸمٸن ٶتەۋٸ كەرەك",- دەپ قوستى ول.
ەسكە سالايىق, مەملەكەت باسشىسى قاسىم-جومارت توقاەۆ راقىمشىلىق جاساۋ تۋرالى زاڭعا قول قويعانى حابارلانعان بولاتىن.
