فوتو: ازاتتىق راديوسى
قاڭتار وقيعاسىنا قاتىسقان جاستاردىڭ كٶبٸ قاتەلٸگٸن تٷسٸنٸپ, ٶكٸنٸپ جٷر. بۇل تۋرالى قر باس پروكۋرورىنىڭ بٸرٸنشٸ ورىنباسارى تيمۋر تەجٸمباەۆ ايتتى, دەپ حابارلايدى قازاقپارات اگەنتتٸگٸ.
«قاڭتار وقيعاسى – ەلٸمٸز ٷشٸن ٷلكەن قاسٸرەت. ول كٷندەرٸ مەملەكەت تۇتاستىعى, تەۋەلسٸزدٸگٸ مەن قاۋٸپسٸزدٸگٸ قاتەر الدىندا تۇردى. پرەزيدەنت دەر ۋاقىتتا شەشٸمدەر قابىلداپ, ەلٸمٸزدٸ ساقتاپ قالدى. مەملەكەت باسشىسى تاپسىرماسىمەن بۇل وقيعانىڭ سەبەپتەرٸ مەن سالدارى قارالىپ جاتىر», - دەدٸ ول باس پروكۋراتۋرانىڭ بيىلعى جۇمىسىن قورىتىندىلاۋعا ارنالعان باسپاسٶز مەسليحاتىندا.
ونىڭ اتاپ ٶتۋٸنشە, وقيعانىڭ باستى سەبەپتەرٸ – ەلەۋمەتتٸك پروبلەمالار, جۇمىسسىزدىق, كٸرٸستەردٸڭ ازايعانى. بۇل جاعدايدى دەسترۋكتيۆتٸ كٷشتەر, كريميناليتەت, راديكالدى ەلەمەنتتەر پايدالانىپ كەتكەن.
«ولار ادامداردى ٸس-جٷزٸندە اگرەسسييا مەن قاتال ەرەكەتتەرگە ارانداتقان. تەرتٸپسٸزدٸك جاساعان ادامداردىڭ كٶپشٸلٸگٸ – جاستار. ولار ەرەكەتتەرٸ قانداي اۋىر سالدارعا ەكەپ سوعاتىنىن تٷسٸنبەگەن. كٶپ جاستار ٶز قاتەلٸكتەرٸن تٷسٸنٸپ, ٶكٸنٸپ جٷر», - دەدٸ تيمۋر تەجٸمباەۆ.
باس پروكۋروردىڭ بٸرٸنشٸ ورىنباسارى وسىعان وراي قاراشادا پرەزيدەنت «راقىمشىلىق تۋرالى» زاڭعا قول قويعانىن اتاپ ٶتتٸ.
«امنيستييا بٸر جارىم مىڭ ادامعا قاتىستى. قازٸرگٸ ۋاقىتتا 991 ازاماتتىڭ جازا مەرزٸمٸ جەڭٸلدەدٸ. 94 ادام قىلمىستىق جاۋاپتان بوساتىلدى. مىنانى ەسكەرە كەتسەم دەيمٸن, تەرتٸپسٸزدٸك ۇيىمداستىرعان ادامدار, ازاپتاۋ, ەكسترەميزم, تەرروريزم, مەملەكەتكە وپاسىزدىق جاساعاندار امنيستيياعا ٸلٸكپەيدٸ», - دەدٸ ول.
