قاڭتار وقيعالارىندا وق تيگەن 2 بالا ٶلٸپ, 7-ەۋٸ جاراقات الدى. بۇل تۋرالى قر دسم مەديتسينالىق جەنە فارماتسەۆتيكالىق باقىلاۋ كوميتەتٸنٸڭ تٶراعاسى باۋىرجان بايسەركين ايتتى, دەپ حابارلايدى قازاقپارات.
«تٶتەنشە جاعداي كەزەڭٸندە مەديتسينالىق ۇيىمدارعا 2 740 زارداپ شەككەن ادام كٶمەك الۋعا جٷگٸندٸ. ولاردىڭ ٸشٸندە 1 843 ادام امبۋلاتورلىق كٶمەك الىپ, 897 ادام اۋرۋحاناعا جاتقىزىلدى. ونىڭ ٸشٸندە 188 ادام رەانيماتسييالىق بٶلٸمشەدە بولدى. بٷگٸندە 891 پاتسيەنت جازىلىپ شىقتى», - دەدٸ باۋىرجان بايسەركين ورتالىق كوممۋنيكاتسييالار قىزمەتٸندەگٸ باسپاسٶز مەسليحاتى بارىسىندا.
ونىڭ اتاپ ٶتۋٸنشە, 177 ادام مەديتسينالىق ۇيىمداردا ٶمٸردەن وزدى.
«قازٸرگٸ ۋاقىتتا 6 ادام, الماتى مەن قىزىلوردادا 3 ادامنان ستاتسيونارلاردا ەم الىپ جاتىر. ولاردىڭ بٸرٸنٸڭ جاعدايى اۋىر, وق تيگەن. ەم الۋدا. ەلٸمٸزدٸڭ ٷش ٶڭٸرٸندە كەمەلەتكە تولماعان بالالار زارداپ شەكتٸ. الماتىدا 2 بالا وق تيٸپ قازا تاپتى. 7 بالا تٷرلٸ وق جاراقاتىمەن اۋرۋحانا تٷستٸ. ولاردىڭ 4-ەۋٸ – الماتىدا, ەكەۋٸ – الماتى وبلىسىندا جەنە بٸرەۋٸ – جامبىل وبلىسىندا. سونىمەن قاتار الماتى وبلىسىندا بٸر جٷكتٸ ەيەل شاشىلعان گازدان زارداپ شەكتٸ», - دەدٸ باۋىرجان بايسەركين.
