© Sputnik / ۆلاديسلاۆ ۆودنەۆ
قاڭتار وقيعالارى كەزٸندە 7 مەديتسينا قىزمەتكەرٸ زارداپ شەگٸپ, 46 جەدەل جەردەم كٶلٸگٸ زاقىمداندى. بۇل تۋرالى قر دسم مەديتسينالىق جەنە فارماتسەۆتيكالىق باقىلاۋ كوميتەتٸنٸڭ تٶراعاسى باۋىرجان بايسەركين ايتتى, دەپ حابارلايدى قازاقپارات.
«جالپى, اتالعان كەزەڭ ٸشٸندە 20 دەنساۋلىق ساقتاۋ نىسانىنا شاۋىل جاسالدى. ونىڭ ٸشٸندە الماتى قالاسىندا 5 ستاتسيونار, مساك-تىڭ 1 نىسانى, 14 دەرٸحانا بار. وسى ارالىقتا 7 مەديتسينا قىزمەتكەرٸ, ونىڭ ٸشٸندە 5-ەۋٸ الماتىدا, بٸرەۋٸ شىمكەنتتە جەنە تاعى بٸرەۋٸ الماتى وبلىسىندا زارداپ شەكتٸ», - دەدٸ كوميتەت تٶراعاسى ورتالىق كوممۋنيكاتسييالار قىزمەتٸندەگٸ باسپاسٶز مەسليحاتى بارىسىندا.
ونىڭ اتاپ ٶتۋٸنشە, 46 جەدەل جەردەم كٶلٸگٸ زاقىمداندى. زاڭىمدانعان كٶلٸكتەردٸڭ باسىم بٶلٸگٸ الماتى قالاسىندا – 32. سونىمەن قاتار 4 كٶلٸك جارامسىز بولىپ قالدى.
«تٶتەنشە جاعداي كەزٸندە قاننىڭ جەتكٸلٸكتٸ كٶلەمٸن قامتاماسىز ەتۋ ٷشٸن ەلوردادان الماتى قالاسىنداعى رەسپۋبليكالىق قان ورتالىعىنا شامامەن 360 دوزا قان جەتكٸزٸلدٸ. بۇل احۋال ۋشىققان جاعدايدا قولدانۋعا ارنالعان قور جاساۋ ٷشٸن جاسالدى. سونىمەن قاتار ٸشكٸ ٸستەر مينيسترلٸگٸمەن «سق فارماتسييا» كومپانيياسىنىڭ الماتى, شىمكەنت, نۇر-سۇلتان, اقتٶبە قالالارىنداعى ٸرٸ قويمالاردا تۇرعان دەرٸ-دەرمەكتٸ تەۋلٸك بويى قورعاۋ بويىنشا جەدەل ٸس-شارا قابىلداندى. ول جەردە تەگٸن مەديتسينالىق كٶمەكتٸڭ كەپٸلدەندٸرٸلگەن كٶلەمٸنە كٸرەتٸن بارلىق دەرٸ-دەرمەك ساقتالادى. سونىمەن قاتار ناركوتيكالىق جەنە پسيحوتروپتى دەرٸلٸك زاتتار دا بار», - دەدٸ كوميتەت تٶراعاسى.
باۋىرجان بايسەركيننٸڭ اتاپ ٶتۋٸنشە, اتالعان كەزەڭدە قاۋىرت جەلٸ ۇيىمداستىرىلدى. ولارعا 4 مىڭنان استام قوڭىراۋ تٷستٸ.
