قازاقستاننىڭ ساۋدا جەنە ينتەگراتسييا مينيسترلٸگٸ ەلدەگٸ قانت قورى تۋرالى تٸلشٸلەرگە سۇحبات بەردٸ, دەپ حابارلايدى قازاقپارات.
«بٷگٸندە بٸزدەگٸ قانت قورى جەتكٸلٸكتٸ. شامامەن 67 مىڭ توننا قانت بار. بۇل قورلار تۇرعىندارىمىزدىڭ قاجەتتٸلٸكتەرٸنە تولىق جەتكٸلٸكتٸ. وعان قوسا, كٷندەلٸكتٸ قانت جەتكٸزۋمەن اينالىسىپ جاتىرمىز», - دەدٸ ساۋدا كوميتەتٸنٸڭ تٶراعاسى ەرجان قازانباەۆ.
ونىڭ ايتۋىنشا, ەەك اياسىندا قوسىمشا 100 مىڭ توننا شيكٸ قانتقا كۆوتا الىنعان. بۇل كٶلەم ٷش قانت زاۋىتىن تولىعىمەن قامتاماسىز ەتەدٸ, ولار كٷن سايىن حالىققا قاجەتتٸ كٶلەمدە قانت جەتكٸزبەك.
سونىمەن بٸرگە, سپيكەر دٷكەن سٶرەلەرٸندە قانتتىڭ تاۋسىلۋى تۋرالى اقپاراتقا پٸكٸر بٸلدٸردٸ.
«كەي ٶڭٸرلەردە قانت ساتىپ الۋداعى دٷرلٸكپە تۋرالى ۆيدەولار بار. نەگٸزٸ مۇنداي دٷرلٸكپە بولماۋى كەرەك. قانت تۇراقتى تٷردە جەتكٸزٸلٸپ جاتىر. بەلكٸم كەيبٸر ساۋدا جەلٸلەرٸ مەن نىسانداردا جەتكٸزۋ ازداپ كەشٸگۋٸ مٷمكٸن, بٸراق بۇل جٷكتٸڭ جەتكٸزٸلۋٸنە بايلانىستى. قانت بٸزگە كٷن سايىن ۆاگوندارمەن كەلەدٸ جەنە كەيبٸر ساۋدا نىساندارىنا كەش تٷسەدٸ. قازٸرگٸ ۋاقىتتا ٸرٸ جەنە ورتا ساۋدا ورىندارىندا قانت جەتكٸلٸكتٸ مٶلشەردە بار جەنە ساتىلىپ جاتىر», - دەدٸ ول.
قازانباەۆ ەلٸمٸزدە قانت تاپشىلىعى جوق ەكەنٸن جەتكٸزدٸ.
«كەيبٸر ساۋدا جەلٸلەرٸنە قانت سەل كەش تٷسٸپ, بەلگٸلٸ بٸر ارالىقتا قانت بولماۋى مٷمكٸن. قانت تاپشىلىعى جوق جەنە ول بولمايدى دا», - دەپ تٷسٸندٸردٸ كوميتەت تٶراعاسى.
كۆوتا شەڭبەرٸندە الىنعان قانت شيكٸزاتى قازاقستانعا جەتكٸزٸلٸپ جاتىر.
«بٸزدەگٸ قانت زاۋىتتارى شيكٸ قانتتى اق قانتقا اينالدىرۋ ٷشٸن تولىق قۋاتتا جۇمىس ٸستەپ جاتىر جەنە قانت كٷن سايىن ٶڭٸرلەرگە, ساۋدا ورىندارىنا جەتكٸزٸلەدٸ. قانت تاپشىلىعى جوق ەكەنٸن تاعى دا قايتالاپ ايتقىم كەلەدٸ. كەي ساۋدا نٷكتەسٸ نەمەسە ٷي جانىنداعى دٷكەن قانتتى ۋاقتىلى الماعاننان ازداعان ٸركٸلٸستەر بولۋى مٷمكٸن», - دەپ ناقتىلادى ەرجان قازانباەۆ.
