بٷگٸنگٸ تاڭدا 99 قازاقستاندىق زەينەتاقى جيناعىنداعى قاراجاتىنىڭ بٸر بٶلٸگٸن باسقارۋشى كومپانيياعا اۋدارۋ تۋرالى ٶتٸنٸم بەردٸ. بۇل تۋرالى قر قارجى نارىعىن رەتتەۋ جەنە دامىتۋ اگەنتتٸگٸ باعالى قاعازدار نارىعىن دامىتۋ باسقارماسىنىڭ باستىعى الەكساندر كامچاتنىي ايتتى, دەپ حابارلايدى قازاقپارات.
«بٷگٸنگٸ تاڭدا اگەنتتٸك تاراپىنان رۇقسات بەرٸلگەن 6 كومپانييانىڭ ٷشەۋٸ زەينەتاقى جيناقتارىن باسقارۋ بويىنشا بٸرىڭعاي جيناقتاۋشى زەينەتاقى قورىمەن شارت جاساستى. ولار - Jysan Invest, Halyk Global Markets, BCC INVEST. بجزق اقپاراتىنا سەيكەس, 2021 جىلدىڭ 24 اقپانىندا بجزق-عا زەينەتاقى جيناقتارىن زەينەتاقى پورتفەلٸن باسقارۋشىعا اۋدارۋعا 99 ٶتٸنٸش كەلٸپ تٷستٸ. اۋدارىلاتىن قاراجاتتىڭ جالپى سوماسى 257 ملن تەڭگەدەن اسادى», - دەدٸ الەكساندر كامچاتنىي ورتالىق كوممۋنيكاتسييالار قىزمەتٸندەگٸ باسپاسٶز مەسليحاتى بارىسىندا.
ونىڭ اتاپ ٶتۋٸنشە, سالىمشى زەينەتاقى اكتيۆتەرٸن باسقارۋعا جٸبەرەتٸن ينۆەستيتسييالىق پورتفەلدٸ باسقارۋشىلار تٸزبەسٸمەن, ولاردىڭ ينۆەستيتسييالىق دەكلاراتسييالارىمەن, ينۆەستيتسييالىق پورتفەلدەرٸنٸڭ قۇرىلىمىمەن بجزق سايتىنىنان تانىسا الادى.
«سودان كەيٸن ونىڭ ينۆەستيتسييالىق باسىمدىقتارىنا بارىنشا سەيكەس كەلەتٸن بٸر نەمەسە بٸرنەشە باسقارۋشى كومپانييانى تاڭداي الادى», - دەدٸ ول.
