CompuBox سوققىلار ساناۋ جٷيەسٸنٸڭ Twitter-اككاۋنتى مەكسيكالىق ساۋل «كانەلو» الۆارەسكە قارسى جەكپە-جەكتەردە ەڭ دەل سوققىلار جاساعان بوكسشىلاردىڭ ەسٸمدەرٸن جارييالادى.
رەيتينگتە ورتا سالماقتاعى ەلەم چەمپيونى قازاقستاندىق گەنناديي گولوۆكين كٶش باستادى, دەپ حابارلايدى Sports.kz.
بٷگٸنگٸ كٷندەگٸ ەڭ جوعارى كٶرسەتكٸشتٸ ورتا سالماقتاعى ەلەم چەمپيونى قازاقستاندىق گەنناديي گولوۆكين ساۋل الۆارەسپەن بولعان ەكٸنشٸ ايقاستا كٶرسەتكەن. GGG 234 سوققى بەرگەن. ەكٸنشٸ ورىنعا فلويد مەيۆەزەر جايعاسسا, ٷشٸنشٸ ورىندى قايتادان گولوۆكين يەمدەندٸ. اتالعان ورىندا بۇل جولى GGG «كانەلومەن» بولعان العاشقى جەكپە-جەكتەگٸ 218 سوققىسى ٷشٸن الدى. ەرٸ قاراي ورىنداردى شەين موزلي (183) مەن لاۆمور ندۋ (175) الدى.
«كانەلونىڭ» سوڭعى قارسىلاسى كاللۋم سميتكە كەلەر بولساق, بريتاندىقتىڭ سوققىلارىنىڭ تەك 18% -ىن, ناقتىراق ايتساق 536-نىڭ 97-ٸن دەل سوققان.
ەسكە سالا كەتەيٸك, تٶرەشٸلەردٸڭ بٸراۋىزدان شەشٸمٸمەن جەكپە-جەكتە الۆارەس جەڭٸسكە جەتتٸ.
گەنناديي گولوۆكيننٸڭ سوڭعى جەكپە-جەگٸندە پولياك بوكسشىسى كاميل شەرەمەتا جەتٸنشٸ راۋندتان كەيٸن جەكپە-جەكتٸ جالعاستىرۋدان باس تارتىپ, ايقاس GGG-دٸڭ جەڭٸسٸمەن اياقتالدى. وسىلايشا, گەنناديي IBF جەنە IBO نۇسقالارى بويىنشا ورتا سالماقتاعى ەلەم چەمپيونى تيتۋلىن سەتتٸ قورعادى.
