مەكسيكالىق بوكسشى ساۋل "كانەلو" الۆارەس (49-1-2, 34 كو) ورتا سالماقتا WBC, WBA (Super), IBF جەنە IBO تۇجىرىمدارى بويىنشا ەلەم چەمپيونى قازاقستاندىق گەنناديي گولوۆكينمەن (37-0-1, 33 كو) ەكٸنشٸ جەكپە-جەگٸنٸڭ قارساڭىندا دوپينگ-سىناقتان ٶتە المادى, - دەپ حابارلايدى Vesti.kz.
بۇل مەلٸمەتتٸ Golden Boy Promotions پروموۋتەرلٸك كومپانيياسى راستادى. كومپانييا بۇل تۋرالى باق-تارعا رەسمي مەلٸمدەمە جاساعان. مەتٸن BoxingScene باسىلىمىندا جارييالاندى.
الۆارەستٸڭ دوپينگ-سىناماسىنان كلەنبۋتەرولدىڭ بولماشى مٶلشەرٸ تابىلعان. بۇل پرەپارات ادامعا بۇلشىقەت ماسساسىن ٶسٸرۋگە جەنە مايدى جويۋعا كٶمەكتەسەدٸ. ال سپورتتان تىس بۇل پرەپارات جانۋارلاردىڭ ماسساسىن ٶسٸرۋگە ارنالعان.
Golden Boy مەلٸمدەمەسٸندە الۆارەستٸڭ اعزاسىنا بۇل پرەپارات زاقىمدالعان ەت ارقىلى ەنگەن بولۋى مٷمكٸن ەكەنٸ ايتىلادى, دەل وسىنداي جولمەن سوڭعى كەزدەرٸ ونداعان سپورتشىنىڭ اعزاسىنا كلەنبۋتەرول ەنٸپ كەتكەن. مۇنى سولت-لەيك-سيتيدەگٸ SMRTL زەرتحاناسىنىڭ ديرەكتورى دەنيەل ايكنەر دە راستاپ وتىر.
الۆارەس دوپينگ-سىناقتان ٶتە الماعانى جايلى پروموۋتەر توم لەففلەرگە جەنە نەۆادا شتاتىنىڭ اتلەتتەر كوميسسيياسىنا حابارلاعان, سەبەبٸ بۇل ۇيىم لاس-ۆەگاستاعى جەكپە-جەكتٸ ۇيىمداستىرۋعا جاۋاپتى.
Golden Boy مەلٸمدەمەسٸندە الۆارەستٸڭ سوڭعى 12 جەكپە-جەگٸ بويى VADA دوپينن-سىناماسىنان ٶتۋدٸ مٸندەت ساناعانى جەنە ەشقاشان ەرەجە بۇزۋ بويىنشا كٷدٸككە ٸلٸنبەگەنٸ ايتىلادى. الداعى ۋاقىتتا ول جاتتىعۋ لاگەرٸن مەكسيكادان اقش-قا اۋىستىرىپ, جەكپە-جەككە دەيٸن دە, كەيٸن دە قاجەتتٸ دوپينگ-سىناما تاپسىرۋعا دايىن ەكەن.
ۇلت پورتالى
