قر باس پروكۋرورىنىڭ ورىنباسارى مارات احمەتجانوۆ ماس كٷيٸندە كٶلٸك تٸزگٸندەگەندەر جازاسى بويىنشا جاڭا ەرەجەلەردٸ تٷسٸندٸردٸ, دەپ حابارلايدى قازاقپارات.
سپيكەردٸڭ ايتۋىنشا, مەملەكەت باسشىسى قول قويعان قىلمىستىق, قىلمىستىق-پروتسەستٸك زاڭنامانى جەتٸلدٸرۋ بويىنشا قر زاڭى ارقىلى ماس كٷيٸندە جول-كٶلٸك ەرەجەسٸن بۇزعاندارعا جەكە باپ ەنگٸزٸلدٸ.
«قازان ايىندا الماتىدا ٶتكەن جينالىستا پرەزيدەنت قاسىم-جومارت توقاەۆ ماس كٷيٸندە كٶلٸك ايداعانداردىڭ جازاسىن كٷشەيتۋدٸ تاپسىردى. ولاردى تٷرمەگە وتىرعىزىپ, ايىپپۇلىن ٶسٸرٸپ, ٶمٸر بويىنا جٷرگٸزۋشٸ كۋەلٸگٸنەن ايىرۋدى ۇسىندى. جىل سايىن قازاقستاندا 30 مىڭعا جۋىق ماس جٷرگٸزۋشٸ ۇستالادى. سالدارىنان بولاتىن جول-كٶلٸك اپاتىنان بيىل مىڭنان استام ادام جاراقات الدى, بٸرازى قازا تاپتى. سوندىقتان, قىلمىستىق كودەكسكە جاڭا باپ (قك 345-1-بابى) ەنگٸزٸپ وتىرمىز», - دەدٸ مارات احمەتجانوۆ قر پرەزيدەنتٸ جانىنداعى ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
ونىڭ ايتۋىنشا, بٷگٸنگە دەيٸن الكوگولدٸ ٸشٸمدٸككە ماس جٷرگٸزۋشٸ مەن ساۋ جٷرگٸزۋشٸلەرگە ورتاق بٸر نورما قولدانىلىپ كەلگەن. بۇعان دەيٸن ماس جٷرگٸزۋشٸگە 2 جىلعا جٷرگٸزۋشٸ كۋەلٸگٸنەن ايىرۋ مەن 40 كٷندٸك قاماۋ جازاسى قاراستىرىلسا, ەندٸ ولار 1 جىلدان 10 جىلعا دەيٸن باس بوستاندىعىنان ايىرىلۋى مٷمكٸن.
«ٸشٸمدٸككە ماس جٷرگٸزۋشٸ كەسٸرٸنەن ادام ٶلٸمٸ ورىن السا, اۋىر قىلمىس سانالادى جەنە تاراپتاردىڭ ىمىراعا كەلۋٸنە تىيىم سالىنادى. ايىپتى ادام 10 جىلعا دەيٸن اباقتىعا قامالىپ, ٶمٸر بويىنا جٷرگٸزۋشٸ كۋەلٸگٸنەن ايىرىلۋى مٷمكٸن», - دەدٸ م. احمەتجانوۆ.
ايتا كەتەيٸك, مارات احمەتجانوۆ ەلٸمٸزدەگٸ قىلمىس احۋالى تۋرالى, سونداي-اق قىلمىستىق, قىلمىستىق-پروتسەستٸك زاڭنامانى جەتٸلدٸرۋ بويىنشا قر زاڭىنىڭ نەگٸزگٸ نوۆەللالارى تۋرالى ايتىپ بەردٸ. اتالعان زاڭعا قر پرەزيدەنتٸ 2019 جىلدىڭ 28 جەلتوقسانىندا قول قويدى جەنە ول 2020 جىلدىڭ 1 قاڭتارىنان باستاپ كٷشٸنە ەنەدٸ.
