بالانىڭ اناسىن بٸرنەشە كٷننەن بەرٸ تابا الماي جاتىرمىز - باليەۆا

«بالا قازٸر ساباقتا. قاسىندا قازٸر ەجەسٸ جەنە تەتەسٸ بار. قاۋٸپسٸزدٸك جاعدايىن جاسادىق, قارنى توق. جاعدايى جاقسى. مەكتەپكە بارىپ جٷر. قازٸر بارىپ بٸلٸپ كەلدٸك», - دەيدٸ زاعيپا باليەۆا.

بۇدان كەيٸن ومبۋدسمەن الماتى قالاسىندا جٷرگٸزٸلۋٸ تيٸس بولعان ەكسپەرتيزاعا نە سەبەپتٸ تىيىم سالعانىن تٷسٸندٸردٸ.

«سٸزدٸڭ قانداي ەكسپەرتيزا تۋرالى ايتىپ جاتقانىڭىزدى تٷسٸنبەدٸم. الماتىدا ەشقانداي ەكسپەرتيزا جاسالعان جوق. اناسى تۋرالى ايتار بولسام. بٸرنەشە كٷننەن بەرٸ بٸز ونى ٶزٸمٸز تابا الماي جاتىرمىز. تەتەسٸنە بالانىڭ اناسىنا قاراي باعىتتاۋعا تىرىستىق. قاجەت دەپ تاپساڭىزدار, قازٸر بٸرنەشە ادام ەپكەسٸنە بارىپ سٶيلەسە الادى. بالانى دا, ەپكەسٸن دە كٶرٸڭٸزدەر. قازٸر بالانىڭ جاعدايى جاقسى. بٸرٸنشٸ كەزەكتە بالانى ويلايىقشى. سٸزدەر ەرەسەك ادامسىزدار. بۇل ساراپتامانىڭ بالا ٷشٸن قانشالىقتى قيىن ەكەنٸن بٸلٸپ تۇرعان شىعارسىزدار. مەن قانداي جاعداي بولماسىن, بٸرٸنشٸ ورىنعا بالانىڭ دەنساۋلىعىن قويامىن», - دەدٸ زاعيپا باليەۆا.

بۇعان دەيٸن قازاقستاندىق قوعام بەلسەندٸلەرٸ مەن ەرٸكتەلەر جينالىپ, جەتٸ جاسار بالانى الماتىعا اپارىپ, تەۋەلسٸز ساراپتاما جاساۋدى ۇيىمداستىردى. بۇل ٷشٸن وڭتٷستٸك قازاقستان وبلىسىنا ارنايى ادۆوكات كەلٸپ, جەبٸرلەنۋشٸنٸ قورعاۋىنا الدى. وسىلايشا 14 ناۋرىز كٷنٸ كەشكٸسٸن ساعات 20:17-دە جەبٸرلەنۋشٸ بالا, ەجەسٸ مەن ەپكەسٸ, رەسمي ٶكٸلٸ – تٶرتەۋٸ شىمكەنت تەمٸرجول ۆوكزالىنان الماتىعا پويىزبەن جٷرۋٸ تيٸس بولاتىن. بٸراق ساعات 20:00 شاماسىندا بالانىڭ ەپكەسٸ مەن رەسمي ٶكٸلٸ جۋرناليستەرگە حابارلاسىپ, ولاردى پويىزعا مٸنگٸزبەي, ۇستاپ قالىپ, بٸر توپ پوليتسەيدٸڭ وقو ٸشكٸ ٸستەر دەپارتامەنتٸنە كٷشتەپ ەكەتٸپ بارا جاتقانىن حابارلادى.

سودان كەيٸن وقو ٸشكٸ ٸستەر دەپارتامەنتٸنٸڭ عيماراتىندا ۇستالىپ وتىرعان جەبٸرلەنۋشٸ بالا, ەجەسٸ مەن ەپكەسٸنە ونىڭ رەسمي ٶكٸلٸ دٸنمۇحاممەد ارتىقوۆ پەن قورعاۋشىسى باۋىرجان ازانوۆ كٸرگٸزٸلدٸ. ٸشتەن شىققان رەسمي ٶكٸل بالانىڭ شىمكەنتتەگٸ كەمەلەتكە تولماعانداردى بەيٸمدەۋ ورتالىعىنا جٸبەرٸلگەلٸ جاتقانىن حابارلادى.

ساعات تٷنگٸ ون جارىمدار شاماسىندا جەتٸ جاسار بالانىڭ قاۋٸپسٸزدٸگٸن قامتاماسىز ەتۋ تۋرالى قاۋلى قابىلدانعانى جٶنٸندە حابارلاما تاراتتى.

رەسمي حابارلامادا «شىمكەنت تەمٸر جول ۆوكزالىندا بالانىڭ ەجەسٸمەن ەڭگٸمە جٷرگٸزٸلدٸ. ولارعا مەملەكەت تاراپىنان بەرٸلەتٸن قورعاۋعا الۋ قۇقىعى بويىنشا تەرگەۋشٸ قاۋلىسىنىڭ قاجەتتٸلٸگٸ تۋرالى تٷسٸندٸرٸلدٸ. سودان كەيٸن بالانىڭ ەجەسٸ مەملەكەت تاراپىنان بەرٸلەتٸن قورعاۋدى پايدالانۋ قۇقىعىن قولدانۋ تۋرالى شەشٸم قابىلدادى», - دەپ جازىلعان.

ٸزٸنشە وقو ٸشكٸ ٸستەر دەپارتامەنتٸنٸڭ باسپاسٶز حاتشىسى سالتانات قاراگٶزوۆا بالانىڭ «كەمەلەت جاسىنا تولماعانداردى بەيٸمدەۋ ورتالىعىنا جەتكٸزٸلگەنٸن مەلٸمدەدٸ».

جەبٸرلەنۋشٸلەردٸڭ رەسمي ٶكٸلٸ قۇرمانعازى مٷسٸر كەمەلەت جاسىنا تولماعانداردى بەيٸمدەۋ ورتالىعىنا بارىپ, بالانىڭ وندا جوق ەكەنٸن حابارلادى.

«بالانىڭ ەپكەسٸمەن سٶيلەستٸم. ولاردى بٸزدەن جاسىرىپ ۇستاپ وتىر. سول فاكت بويىنشا ەندٸ پوليتسەيلەرگە بارىپ, بٸزدەن ولاردى الىپ كەتٸپ, جاسىرعانى ٷشٸن ارىز ٶتكٸزەمٸز», - دەدٸ قۇرمانعازى مٷسٸر.

بالا قۇقىعى جٶنٸندەگٸ زاعيپا باليەۆا بالانىڭ جەنە ونىڭ جانىنداعى ەجەسٸ مەن ەپكەسٸنٸڭ پسيحولوگپەن بٸرگە جالدامالى پەتەرگە ورنالاستىرىلعانىن ايتتى.

ەسكە سالساق, 12 ناۋرىز كٷنٸ قازاقستاندىق بۇقارالىق اقپارات قۇرالدارىندا «اباي اۋىلىنداعى مەكتەپتەردٸڭ بٸرٸندە 7 جاسار بالانى جوعارى سىنىپ وقۋشىلارى بٸرنەشە رەت زورلاعان» دەگەن اقپار تارادى. جەتٸ جاسار بالانىڭ ەجەسٸ بۇل تۋرالى اۋداندىق ٸشكٸ ٸستەر ورگاندارىنا حابارلانعانىن, بٸراق تەرگەۋ شارالارىنىڭ جەتكٸلٸكتٸ جٷرگٸزٸلمەي كەلە جاتقانىن ايتتى.

سودان كەيٸن كەشكٸسٸن وقو ٸشكٸ ٸستەر دەپارتامەنتٸ «سارىاعاش اۋدانىنداعى كەمەلەتتٸك جاسقا تولماعان 7 جاسار بالاعا قاتىستى مەكتەپ وقۋشىلارىنىڭ ونى ۇرعانى جەنە زورلاعانى جٶنٸندەگٸ دەرەك بويىنشا قىلمىستىق كودەكسٸنٸڭ 121-بابىنىڭ 4-بٶلٸگٸمەن سارىاعاش اۋداندىق ٸٸب پب قىلمىستىق ٸس قوزعاپ, تەرگەۋ جٷرگٸزٸپ جاتىر. تيٸستٸ ساراپتامالار تاعايىندالعان. قىلمىستىق ٸستٸڭ تەرگەۋٸنە قاتىستى قالعان مەلٸمەتتەر تەرگەۋ قۇپيياسى بولعاندىقتان, جارييالانبايدى. ٸستٸڭ تەرگەلۋٸ وقو ٸٸد باسشىلىعىنىڭ جەكە باقىلاۋىندا», - دەپ حابار تاراتتى.

ال وڭتٷستٸك قازاقستان وبلىسىنىڭ پروكۋراتۋراسىنىڭ حابارلاۋىنشا, تەرگەۋ اياسىندا سوت پسيحولوگييالىق-پسيحياترييالىق ساراپتامالار تاعايىندالدى.

«ولاردىڭ قورىتىندىلارى ەلٸ دايىن ەمەس. نەتيجەسٸ بويىنشا استانا قالاسىندا ارنايى مامانداردىڭ قاتىسۋىمەن كەشەندٸ سوت-مەديتسينالىق ساراپتاماسى جٷرگٸزٸلەدٸ», - دەلٸنگەن حابارلامادا.

بۇل وقيعا قازاقستان قوعامىندا ٷلكەن داۋ تۋعىزىپ, ەلەۋمەتتٸك جەلٸلەردە كەڭٸنەن تالقىلانىپ جاتىر.

سونداي-اق, زاعيپا باليەۆا 15 ناۋرىز كٷنٸ سارىاعاشتىق بالانى ەجەسٸ جەنە ەپكەسٸمەن بٸرگە استاناعا الىپ كەلدٸ. وسىدان كەيٸن 7 جاسار بالانىڭ ەجەسٸ ۆيدەو ٷندەۋ جولداپ, كٶمەك قولىن سوزعان جاندارعا العىس بٸلدٸردٸ.