قازاقستانعا كٶشٸپ كەلەتٸن ەتيكالىق قازاقتاردىڭ ازاماتتىق الۋعا قۇجاتتارىن قاراۋ مەرزٸمٸ 6 ايدان 3 ايعا دەيٸن قىسقارتىلادى. بۇل جايىندا سەنات دەپۋتاتتارىنىڭ رەسمي ساۋالىنا قر پرەمەر-مينيسترٸ اسقار ماميننٸڭ جاۋابىندا ايتىلعان, دەپ حابارلايدى "ۇلت اقپارات".
«2016 جىلدان باستاپ 2020 جىلعى اقپان ارالىعىندا قازاقستاندا تۇرعىلىقتى تۇرۋعا 101 375 ادام كٶشٸپ كەلدٸ. ونىڭ ٸشٸندە ەتنيكالىق قازاقتار 57 773 ادامدى قۇرايدى. ولار كٶبٸنەسە رەسەيدەن, ٶزبەكستاننان, قىتايدان جەنە قىرعىزستاننان كٶشٸپ كەلگەن. شەتەلدەگٸ ەتنيكالىق قازاقتاردى تاريحي وتانىنا تارتۋ جەنە ولاردى ەلٸمٸزدٸڭ ٸشٸندە بەيٸمدەۋ ماقساتىندا مەملەكەتتٸك ورگانداردىڭ تاراپىنان مىناداي جۇمىستار جٷرگٸزٸلۋدە: 2019 جىلعى 15 قاراشادا ەتنيكالىق قازاقتاردىڭ تاريحي وتانىنا كەلگەندە قاجەتتٸ مەملەكەتتٸك قىزمەتتەردٸ بٸر قۇجاتتار تٸزبەسٸمەن ەلەكتروندىق فورماتتا الۋىنا مٷمكٸندٸك بەرەتٸن «بٸر تەرەزە» قاعيداتى بويىنشا بيزنەس-پروتسەستەردٸ وڭتايلاندىرۋ جٶنٸندەگٸ جول كارتاسى بەكٸتٸلدٸ. ونىڭ اياسىندا ورالمان مەرتەبەسٸن, ەل اۋماعىندا تۇراقتى تۇرۋعا رۇقسات جەنە قر ازاماتتىعىن الۋ سيياقتى مەملەكەتتٸك قىزمەتتەردٸ كومپوزيتتٸك تٷردە ۇسىنۋ كٶزدەلدٸ», - دەدٸ ٷكٸمەت باسشىسى.
ونىڭ اتاپ ٶتۋٸنشە, قر پارلامەنتٸ سەناتىندا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە كٶشٸ-قون پروتسەستەرٸن رەتتەۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسى قارالىپ جاتىر. اتالعان زاڭ جوباسى اياسىندا ازاماتتىق الۋعا قۇجاتتاردى قاراۋ مەرزٸمٸ 6 ايدان 3 ايعا دەيٸن قىسقارتۋ قاراستىرىلعان. سونىمەن قاتار, ەكٸمشٸلٸك قۇقىق بۇزۋشىلىقتار جاساعان ەتنيكالىق قازاقتارعا قازاقستان رەسپۋبليكاسىندا تۇراقتى تۇرۋعا شەكتەۋسٸز رۇقسات بەرۋ كٶزدەلدٸ.
«سونىمەن قاتار, ەتنيكالىق قازاقتار ورالمان مەرتەبەسٸن العان جاعدايدا قازاقستان رەسپۋبليكاسى ازاماتتارىنا كٶزدەلگەن بارلىق ەلەۋمەتتٸك قولداۋلارعا قول جەتكٸزە الادى. بۇل باعىتتاعى ماقسات – قانداستارىمىزدى قوعامعا بەيٸمدەۋ, ەلەۋمەتتٸك قورعاۋ جەنە تەڭ جاعداي جاساۋ بولىپ تابىلادى», - دەدٸ اسقار مامين.
